Si Cesar lang daw ang first BF at pinakasalan, nauwi rin sa hiwalayan… SUNSHINE, KUMANTANG BINASTED

Beth Gelena / BULGARY FILES

BINUNYAG ni Sunshine Cruz na siya ay binansagang ‘Basted Queen’ dahil halos lahat ng nanliligaw sa kanyang actor ay binasted niya.

Sa Tonight with Boy Abunda, natanong ang aktres kung sinu-sino sa mga artistang lalaki ang nagkagusto sa kanya.

Game naman na sinagot ng aktres ang tanong ng King of Talk na si Boy Abunda.

Ang mga aktor na binasted ni Sunshine ay sina Joko Diaz, Tonton Gutierrez, Keempee de Leon at Kier Legaspi.

Ayon pa sa Kapamilya actress, ang aktor na masidhing nagkagusto sa kanya ay si Tonton. Katunayan ay nagpalagay pa umano ng tattoo si Tonton ng pangalan ni Sunshine sa dibdib nito. Si Keempee naman daw ay apat na beses niyang nabasted.

Ang naging first boyfriend niya ay si Cesar Montano na kanyang napangasawa, pero nagkahiwalay din sila.