Kesa magsayang ng oras at pera, besh... 5 SIGNS NA DAPAT NANG MAG-SHIFT NG KURSO

MARAMING aspeto ang nakaa­apekto sa tao, lalo na sa career na pini­li nito tulad na lang ng kurso sa kolehiyo na isa sa mga ­mabigat na desisyon na ga­gawin ng mga high school student. Ka­ramihan sa mga col­lege student ang nag­kakamali dahil hindi napag-iisipang mabuti ang desis­yon, mayroong pi­nili lang ang kurso dahil sa inaakalang madali o maraming pera sa career na ‘yun, pero sa huli, mare-realized ni­yang pa­rang may mali.

Well, kung sinisimulan mo nang tanungin sa sarili mo o nag-aalangan ka tungkol sa pagbabago ng iyong kurso, pag-isipan muna ito, narito ang ilang senyales na makatutu­long sa iyo:

1. HINDI NA MA­GANDA ANG LAGAY NG GRADES MO. ‘Yung tipong tuwing may quizzes at exam kayo, pa­lagi ka na lang bag­sak. Palagi mong sinasabi na babawi ka next time, pero wala pa ring improve­ment. Sabi nila, kung gusto mo ang ginagawa mo, gaanuman ito kahi­rap, magagawa mo pa rin.

Kapag napansin mong wala ka nang gana at lu­malagapak na ang grades mo, marahil senyales na ito na mali ang kur­song kinuha mo.

2. NAPILITAN KA LANG NA KUNIN ITO. Marami sa mga college student ang nasa parti­ku­lar na kurso dahil ito ang payo ng kanilang mga ma­gulang, napag-trip-an lang ng barkada at iba pa tapos enrolled ka na nu’ng na­isip mong wala pala rito ang puso mo o hindi ito ang iyong gusto.

3. HINDI KA NA MASAYA. Siguro noong una tulad ng ibang mga freshies, excited ka na ma-explore ang course mo, pero sa huli ay unti-unting tumatabang ang lahat. Marahil, kaya hindi ka na masaya ay dahil wala ka nang motibasyon.

4. INIIWASAN MONG PAG-USAPAN ANG TUNGKOL DITO. Kapag napag-uusapan ito o natatanong ka sa mga related na ba­gay tungkol dito, biglang nag­babago ang mood mo o nawawalan ka ng ga­nang makipag-usap kaya nag­tse-change topic ka na lang.

5. MAS INTERE­SADO KA SA IBANG BAGAY KAYSA RITO. In short, hindi mo na prio­rity, ‘yung tipong im­bes na pumasok sa klase, mas gusto mo nalang mag-basketball, mag-computer games o mag-audition sa kung saan-saan kasi mas trip mo ‘yun kaysa sa mag-advance reading ka sa mga subject mo.

Kapag tumpak sa‘yo ang ilan sa mga senyales na nasa itaas, habang ma­aga pa ay gawan mo na ito ng paraan, kausapin mo ang iyong mga magu­lang o maglaan ka ng time para pag-isipan ang na­gawang desisyon dahil kapag ipinagpatuloy mo ang bagay na alam mong napipilitan ka lang, pag­sasayang lang ‘yun ng oras. Copy?