Parehong ex ni Gerald, nagkasundo uli… KIM AT MAJA, SUPER FRIENDS AT TODO-BONDING SA TATE

Nitz Miralles / BIDA

PATI si Kris Aquino, natutuwa na makitang magkasama sa litrato sina Maja Salvador at Kim Chiu habang nasa New York at kita pa ang tuwa sa kanilang mga mukha. Ipinost kasi ng dalawang aktres ang picture nila at ang ganda pa ng caption ni Kim, kaya comment ni Kris, “So happy to see the HAPPINESS.”

Nag-post kasi si Kim ng “Endless reminiscing with this one, remembering our kalokohan before... laugh here and there, stories this and that. From wedge, heels to white sneakers now!!! Hahaha some things never change!!! Still the same us!!!”

Sumagot si Maja ng, “Safe flight Kimmmmeeey! Next bonding si Stella and Barbara naman ulit.”

Ayun, tuwang-tuwa ang mga fans nina Maja at Kim na makitang friends ang parehong ex-GF ni Gerald Anderson at sabi pa nga ng isang fan, “Love seeing these two... from being broken to being healed. A story of friendship to last.”