Kelot, sinaksak ng utol, patay

NORTH COTABATO—Isang 39-anyos na lalaki ang namatay nang saksakin ng kanyang nakatatandang kapatid kamakalawa sa Bgy. San Mateo, Aleosan.

Kinilala ang biktima na si Randy, samantalang, ang suspek ay ang kuya nitong si Leonard Calambro, 44-anyos at kapwa nakatira sa nabanggit na barangay.

Nabatid na nagkaroon ng pagtatalo ang magkapatid na humantong sa pananaksak ni Leonard kay Randy.

Dinala si Randy sa ospital ng mga saksi, pero idineklara itong dead-on-arrival, samanta­lang, kusa namang sumuko sa pulisya si Leonard.