First baby nila ng mister… SOLENN, BUNTIS NA!

Nitz Miralles / BIDA

SUNOD-sunod na congratulatory messages ang nabasa namin sa Instagram (IG) ni Solenn Heussaff nang i-announce nila ng asawang si Nico Bolzico that they are pregnant.

Makikita na mahal ng showbiz sina Solenn at Nico dahil karamihan sa mga nag-congratulate ay taga-showbiz.

Hindi pa sinasabi ng mag-asawa kung ilang buwang buntis si Solenn. Ang sabi lang nila, “@nicobolzico We’re in this together. #BabyBolz.”

Sa IG Story, may ipinost si Solenn na “Half way there.”

Kaya pala parang mawawala ang karakter ni Solenn sa Love You Two o baka naman mabawasan lang ang mga eksena niya para hindi siya mapuyat at mapagod nang husto.

At least, maiiba na ang tanong kay Solenn, hindi na kailan siya magbu­buntis kundi kung kailan siya manga­nganak.