SPENCE, HUMAHAMON; HORN, NAIS NG REMATCH KAY PACMAN

INTERESADO umano si International Boxing Federation (IBF) welterweight champ Errol Spence Jr. na tapatan ang gilas at lakas ng pambansang kamao na si Manny Pacquiao sakaling matapos ang unification IBF at World Boxing Council (WBC) title kay Shawn Porter sa Setyembre.

Samantala, nagpahayag din ng kanyang interes ang kampo ni Jeff Horn na magkaroon ng ‘rematch’ kay Pacquiao, ayon sa trainer nitong si Glenn Rushton. “If ever Manny Pacquiao wants that fight with Jeff Horn, I think it’s unfinished business, then we’re up for it, we would certainly do it again. I believe the outcome will be the same but I think it’ll be an even better fight than the first one,” ani Rushton sa panayam dito ng FightHype.

Hinggil sa dating undefeated fighter na si Mayweather, naging mainit ang palitan ng pahayag nito kay Pacquiao noong nakaraang buwan sa social media tungkol sa kanilang ‘rematch’, ngunit wala pang kasiguruhan sa naturang bakbakan dahil naunang umayaw ang kampo ni Mayweather.

Naunang nagpahayag ng pagnanais na matikman ang malupit na kamao ni Pacman ang dating title holder na si Keith “One Time” Thurman, ang 30-anyos na World Boxing Association (WBA) welterweight champ para sa isang ‘rematch’ matapos ang pagkatalo niya noong Hulyo 21 sa kamay ng Pinoy. “I’m ready for the rematch! I still think the fight was nothing more than a draw. I don’t really think that he won the fight. Where’s the contract, Pac?! Sign the contract! Rematch!” bulalas ni Thurman sa mga salitang binitiwan niya sa TMZ Sports.