Masyonda na raw, mga bata pa ang kalandian… DEREK, IKINUMPARA KAY GERALD, NAGALIT!

Anj Cabilla / PAK ANG GANAP

NAGALIT ang aktor na si Derek Ramsay nang ikumpara siya ng isang basher kay Gerald Anderson.

Mainit na pinag-uusapan kasi ngayon sa mundo ng social media ang kontrobersiyang kinakaharap ni Gerald tungkol sa ginawa niyang biglang pang-iiwan sa GF na si Bea Alonzo at ang pagkalat ng pag-amin diumano niya kay Dennis Padilla sa pan­liligaw niya sa anak nito na naging leading lady niya sa pelikulang Between Maybes na si Julia Barretto. Dahil dito, binansagang “baba­ero” at “playboy” ang Kapamilya actor.

Ang siste, kahapon (Agosto 8) ay nag-post si Derek ng litrato niya kasama ang pamangkin niyang batang babae na tila hahalikan niya. May netizen na may account name na @shinettearevalo ang biglang nag-comment ng... “Gawa ka na kasi ng baby mo. Matanda ka na, hindi ‘yung puro kalan­dian lang ang ginagawa mo. ‘Yan tuloy, si Gerald Anderson, nagmana sa ‘yo.”

Hindi ito pinalampas ng The Better Woman actor at sinabing “@shinettearevalo Salamat sa advice and I hope because of what you said masaya ka for the rest of your day.”

May isang fan ang nagtanggol kay De­rek at sinabing may anak ito sa dating ka­­relasyon na si Mary Christine Jolly.

Sagot uli ng basher, “@iiamsachie Alam ko sa asawa niya dati, kay Jolly. Ano ang akala mo sa akin, t*nga? What I mean is sa present. G*go isip-isip din kasi.”

Tila hindi napigilan ni Derek ang sarili at sinabihan ang basher ng “@shinettearevalo Hey, ‘wag ka bastos! Ikaw nga ang gago, tapos ikaw pa bastos.”