Buking sa zodiac sign... BABAENG SA IBANG LALAKI LILIGAYA, ‘DI SA BF KAHIT NAGBABALAK NANG MAGPAKASA

Maestro Honorio Ong

Dear Maestro,

Gusto kong malaman kung compatible ba kami ng kasalukuyan kong boyfriend at kung kami na ba ang magkakatuluyan? Au­gust 12, 1990 ang birth­day niya at September 14, 1991 naman ako.

Siya na kaya ang lala­king makakasama ko, ha­bambuhay? Matagal na ka­ming magkarelasyon at sa katunayan, nagbabalak na kaming magpakasal. Sa ngayon, nagtatrabaho siya sa ibang bansa bilang sea­man.

Kung hindi kami com­patible, sino ang ka-compa­tible ko, kailan darating at siya na kaya ang mapapa­nga­­sawa ko?

Umaasa,

Danika ng San Pedro, Gen. Tinio, Nueva Ecija

Dear Danika,

Bagama’t, magkapitba­hay na zodiac signs ang Leo at Virgo, hindi tunay na mag­katugma o compatible kayo. Sa halip, ang relasyon ninyo ay pumapasok sa ikatlong theory o ikatlong batas ng compatibility na tinatawag na “neighboring attraction”.

Ang “neighboring attrac­tion” ay nagsasabing, kung sino ang magkakapitbahay na planeta at zodiac sign ay kusang naghihigupan at nag­bibigayan ng lakas at ener­hiya sa isa’t isa upang magpatu­loy ang sistema ng sansinu­kob at sistema ng pananatili ng mga bituin sa kalangitan.

Ngunit, ang ganyang re­lasyon, tulad ng Leo at Virgo na bagama’t, compatible sila dahil magkatabi o magkapit­bahay ang zodiac sign ay ma­dali ring nagkakalimutan at nagkakalabuan sa sandaling lumayo ang isa dahil sa hindi inaasahang pangingibang-bansa o pagtatrabaho sa malayong lugar.

Sa panahong nagkalayo at nawalan ng komunikas­yon ang magka-compatible sa “neighboring compatibi­lity”, tiyak ang magaganap, hi­hina ang power of attrac­tion ng dalawa hanggang sa bumitiw ang lakas na nag-u­ugnay dito hanggang sa ma­hulog sa kawalan at tuluyang matapos ang nasabing relas­yon.

Kung ganyan ang relas­yon ng magkasintahan o mag-asawa, ang pananatiling buo o buhay ang komunikasyon at tiwala sa isa’t isa ay sad­yang napakahalaga sapagkat hindi gaanong matibay ang relasyon kung ito ay “neigh­boring attraction” tulad ng Leo at Virgo.

Sa madaling salita, Dani­ka, ang pinaka-compatible ng zodiac sign mong Virgo ay silang mga isinilang sa kapwa mo earth element signs tulad ng Taurus, Capri­corn at Virgo, gayundin, ang Pisces na kabilang sa elemen­tong tubig habang ang Gemi­­ni ay ka-compatible mo rin dahil ang Virgo at Gemini ay may iisang ruling planet, ang Mercury.

Bukod sa mga zodiac sign na nabanggit, higit na magiging maligaya ang pa­pasukin mong pag-aasawa at magiging maunlad ang ita­tayo ninyong pamilya kung ang nasabing lalaking sasa­gutin, magiging boy­friend at mapapangasawa mo ay isinilang sa mga pet­sang 5, 14, 23, 8, 17, 26, 7, 16 at 25.

Habang, ayon sa iyong Love Calendar, sa taong 2021, magaganap ang iyong pag-aasawa, hindi sa kasaluku­yan mong boyfriend kundi sa lalaking may nabanggit na zodiac sign at birth date sa itaas.

Sa iyong pag-aasawa sa nasabing panahon, sa edad mong 30 pataas ay tuluy-tu­­­­loy ka nang magkakaroon ng maligaya at pangha­bam­buhay na pagpapamilya.