Nalilito sa pagkakaiba ng Tagalog at Filipino? IBA‘T IBANG KAALAMAN TUNGKOL SA BUWAN NG WIKA

BAGAMA’T, Filipino ang wikang ginagamit at mas naiintindihan sa bansa, mayroon pa ring mga bagay na hindi malinaw para sa karamihan at hindi alam ng ilan. Ga­ano nga ba kala­wak o kalalim ang ating kaala­man tungkol sa ating wika? Ngayong Agos­to, ipinagdi­ri­wang ang Bu­wan ng Wika, kaya sabay-sabay nating dag­dagan ang ating kaalaman tungkol sa selebrasyong ito:

1. MAY IBA PANG TAGAPAGTA­GUYOD ANG WIKANG FILIPINO. Kilala si Manuel L. Quezon bilang Ama ng Wikang Pambansa, pero may isa pang taga­pagtaguyod ang Wikang Filipino. Siya ay si Lope K. Santos, isang makata, nobelista, ma­mamahayag, lider-manggagawa at lingkod-publiko. Si Santos o Mang Openg ay kiniki­la­lang Ama ng Baralira ng Wikang Filipino.

2. NAGSIMULA ITO SA LINGGO NG WIKA. Idi­nek­lara ni Pangu­long Se­r­gio Osme­ña ang pagdiri­wang ng Linggo ng Wika. Mula 1946 hang­gang 1954, gi­nu­gunita ito mula ika-31 ng Marso hang­gang sa ika-2 ng Abril alinsunod sa Prok­lamasyon Blg. 35. Abril 2 ang napili da­hil ito ang kaarawan ng Tagalog na ma­nunulat na si Francisco Ba­lagtas. Noong 1954, ito ay iniusog ni Pangu­long Ramon Mag­saysay sa ika-29 ng Marso hanggang sa ika-4 ng Abril.

Nang sumunod na taon, inilipat ni Pa­ngu­long Mag­say­say ang seleb­ras­yon sa ika-13 hanggang sa ika-19 ng Agosto sa pama­­ma­gitan ng Prok­lamasyon Blg. 186. Ayon kay Pangulong Magsaysay, naga­ganap ang Linggo ng Wika tuwing bakasyon ng mga estud­yante, kaya hindi nakaka­sama ang mga paaralan sa pag­diriwang nito.

Noong 1988, pinirmahan ni Pangulong Corazon Aquino ang Proklamasyon Blg. 19 na nagpatibay ng selebrasyon ng Linggo ng Wika sa Agosto 13 hanggang 19. Sa huling araw ng linggo, gugunitain ang kaarawan ni Pangulong Quezon. Noong 1997, sa bisa ng Proklamasyon Blg. 1041, idineklara ni Pa­ngulong Fidel Ramos ang selebrasyon ng Wikang Fili­pino na magaganap sa buong buwan ng Agosto.

3. PAGKAKAIBA NG TAGALOG AT FILIPI­NO. Marami sa atin ang nag-aakala na ang Filipino ay kapareho ng Tagalog. Ayon sa mga eksperto, magkaiba ang mga ito dahil ang wikang Filipino ay ginagamit sa buong bansa habang ang Tagalog ay kadalasang ginagamit sa Central Luzon.

4. ANG WIKANG FILIPINO AY PAGKAKAKI­LANLAN NG MGA PILIPINO. Ang bansa ay naim­pluwen­siyahan na ng imperial powers kung saan nag­resulta ito ng ‘nation mix’ at unti-unting pagkawala ng pagkakakilan­lan ng mga Pilipino. Pero, gaanuman karami ang natu­tunan natin mula sa iba’t ibang bansa, dapat nating panatilihin at pa­unlarin ang kakaibang pagkakakilanlan natin.

5. HINDI ALIBATA ANG SINA­UNANG PAGSU­LAT. Ang sinaunang pagsulat ng mga Pilipino ay hindi alpa­beto o alibata kundi silabaryo o baybayin. Ang ali­bata ay binubuo ng mga letra na kumakata­wan sa indibidwal na tu­nog habang ang bay­bayin ay binubuo ng simbolo na kuma­kata­wan sa isang pantig. Anumang selebrasyon ang ipinagdiriwang sa bawat buwan, dapat nating linangin, paunlarin at ipagmalaki ang ating sariling wika. Saanman tayo magpunta, hindi natin dapat kalimutan at ikahiya ang sariling atin.