Madlang pipol, nakahalata, 'di na sila tinilian… JULIA, BUKING SA KILOS NA NAPIPILITAN NA LANG K

Beth Gelena / BULGARY FILES

TOUCHED kami sa mga larawang ipinost ng ABS-CBN bossing na si Roxy Liquigan tungkol kay Joshua Garcia at sa magdyowang Kathryn Bernardo at Daniel Padilla.

Caption ni Roxy sa mga larawang ibinahagi: “In fairness talaga kay Kath and DJP, nang makita nila si Joshua na kumakain nang mag-isa dito sa after party, talagang lumipat sila ng table at tinabihan si Joshua. :)”

Pagkatapos na magtanghal ng grupo sa San Jose, California para sa ASAP Natin ‘To: Bay Area ay kumain sila.

Nag-iisa raw sa isang table si Joshua at kumakain nang malingunan ni Da­niel. Agad na nilapitan ng magkasin­ta­han ang young actor.

Ang gesture nina Kath at DJ ay umani ng paghanga sa mga netizens.

Si Joshua ay nakasama ng magka­­sin­­tahan sa pelikulang Barcelona: A Love Untold nu’ng 2016.

Pinasalamatan ng mga fans ni Joshua ang celebrity couple.

“Thank you Kath & DJ. God bless! Bait n’yo talaga kay @iamjoshuagarcia.”

May halong pangaral pa ang isang netizen, “Wag ka nang lalayo.. @iamjo­shua­garcia. Nasa tamang mga kaibigan ka na. @bernardokath @imdaniel­pa­dilla”

“KATH & DJ have never changed in spite of their status and accomplish­ments. They remain HUMBLE...”

Ang ginawa raw nina Kath at DJ ay ginawa rin nila kay Janella Salvador nu’ng may problema rin ang young actress sa kanyang karelasyon.

“Parang nu’ng kay Janella rin. Na­pa­­kabait talaga nila. Puwede na­man si­lang da­la­wa lang, pero isinasabay tala­ga nila ‘pag na­kikita ni­lang mag-isa lang ang tao.”

“I’m really touched for what Kath and DJ did to Josh but it really saddens me the fact that Josh is alone. ‘Yung ar­tista siya pero sa sob­rang intro­vert ni­ya, konti lang ‘yung friends na masa­sabi ni­yang meron siya sa showbiz industry. And alam naman natin na one of his closest is Julia.”

Samantala, nu’ng nag­pe-per­form na raw ang JoshLia sa stage, kitang-kita na sweet-sweet-an na lang kun­wari ang dalawa.

Parang napipilitan nga lang daw ang young actress sa kanyang movement.

Cold treatment nga raw ang ibini­gay ng audience sa JoshLia sa Bay Area, as in walang reaksiyon ang audience sa song number nila.

“Sigawan at palakpakan sa lahat except for them. Damay na damay si Jo­shua sa nega issue ni Julia. Baka ka­ya dina­mayan ng KathNiel si Joshua sa after party,” sambit ng netizen.