Alamin sa birthday... BABAENG NALUGI SA NEGOSYO, YAYAMAN ‘PAG NAG-ABROAD

Maestro Honorio Ong

Dear Maestro,

May negosyo kaming may kinalaman sa hala­man. Kaya lang, halos hin­di na ito kumikita o kasya lang ang benta sa pang-araw-araw naming panga­ngailangan.

‘Yung iba naming pu­hu­nan ay inutang lang at masyadong malaki ang interest kaya roon napu­punta ang aming benta. Balak naming mag-asawa na iwanan na sa kapatid ko ang puwesto ko at mag-apply bilang immigrant sa Canada.

May mga kakilala kami roon na family friend na tutulong sa amin. May pag-asa kaya kaming makapag-abroad?

August 19, 1983 ang birthday ko habang ang mister ko naman ay June 23, 1980.

Umaasa,

Miles ng Tikay, Malolos City, Bulacan

Dear Miles,

Tama ang binabalak mong mag-apply sa abroad, ayon sa napakaganda mong lagda kung saan bukod sa sobrang linaw, malaki ang pagkaka­sulat at tuluy-tuloy.

Tiyak na anuman ang pa­ngarapin mo sa buhay ay matutupad, lalo na kung si­silipin mo ang kaliwa at ka­nan mong palad at mata­tagpuan mo ang Travel Line na pang-araw-araw nating tinatalakay sa ating kolum na Kapalaran Ayon sa Palad.

Ibig sabihin, tila blessing in disguise ang pagtumal ng inyong negosyo o ang kaka­pusan ninyo sa panganga­ilangang pangmateryal sa kasalukuyan dahil ito ang magiging daan upang mag­sikap kayong buong mag-anak na maka­pag-abroad at makapanira­han sa ibayong-dagat na ma­dali namang ki­numpirma ng birth date mong 19 o 1 (1+9= 10/ 1+0=1) at 23 o 5 (2+3 =5) naman si mister.

Kung saan ituloy ninyo ang inyong binabalak sapag­kat ayon sa inyong Travel Ca­lendar, kung ngayon pa lang ay puspusan na kayong mag-aayos ng inyong mga papeles upang mangibang-bansa, tiyak ang magaganap sa last quarter ng 2020, ma­kapupunta na kayo sa Ca­nada at tuluy-tuloy na kayong ma­ninirahan doon kung saan uunlad at habambuhay na kayong magiging maligaya.