Ayon sa birthday at zodiac sign... KABIT NA MAKATATAGPO PA NG BINATA PARA MAKASAMA, FOREVER

Maestro Honorio Ong

Dear Maestro,

May ka-live-in ako sa kasalukuyan, isa siyang mes­tisong Chinese. Ang problema, bukod sa akin ay may tunay siyang asa­wa at pamilya sa Min­doro.

Kaya kahit susten­tado niya ako sa lahat ng aking pangangaila­ngan, minsan ay suma­sagi rin sa isipan ko na pa­ano kung duma­ting ang araw na bigla niya akong iwanan?

May isa kaming anak na isinilang noong Sep­tem­ber 17, 2016. Kaya, Maestro, sa tingin ninyo, habambuhay na kayang ganito ang buhay ko o kung sakaling makiki­pag­hiwalay ako sa kanya, makatatagpo pa kaya ako ng binatang lalaki na itu­turing na parang tunay ni­yang anak ang anak ko at mamahalin kaya niya ako, habambuhay?

De­cem­ber 13, 1992 ang birth­day ko at February 9, 1970 naman ang lalaking ka-live-in ko.

Umaasa,

Ms. X ng Milagrosa, Carmona, Cavite

Dear Ms. X,

Posibleng hindi na nga magtatagal ang relasyon ninyo ng kasalukuyang live-in partner mo dahil bukod sa illegal at immoral ang nasa­bing ugnayan, tunay ngang hindi kayo masyadong tug­ma sa isa’t isa.

Ang tunay na ka-com­pa­tible ng zodiac sign mong Sagittarius ay Leo, Aries, Gemini o kaya ay kapwa mo Sagittarius.

Habang ang birth date mong 13 o 4 (1+3=4) sa des­tiny number na 1 (12+13+ 1992=2017/ 20+17=37/ 3+7=10/ 1+0=1), ang nagsa­sabing kung nagbabalak kang hiwalayan ang iyong ka-live-in, dapat ay nag-iipon ka na ngayon ng personal mong pera, para sa preparasyon sa pakikipaghiwalay mo sa kanya.

Kung saan ang destiny number mong 1 ay nagsasa­bing, kung mayaman ang ka-live-in mo tulad ng naipa­liwanag na, huwag mong ak­sayahin ang pagkakataon kung saan unti-unti kang mag-ipon dahil tulad ng ka-live-in mo, ang destiny num­ber mong 1 ay nagbabadya ng marami pang suwerte at magagandang kapalaran ang kusang darating sa iyong buhay dahil ang numerong 1 ay under ng buntalang Sun at ang buntalang Sun, bukod sa Jupiter ay isa sa pinaka­masuwerteng planeta.

Sa sandaling nakawala ka na sa lalaking may asawa at legal na pamilya, magsi­simula nang dumating ang iba’t iba at mas marami pang suwerte at magagandang ka­palaran sa iyong buhay.

Muli, sa pag-ibig at paki­kipagrelasyon, isaalang-alang mo ang mga lalaking isini­lang sa zodiac signs na Leo, Aries, at Gemini na may mga birth date na 5, 14, 23, 7, 16, 25, 2, 11, 20 at 29 sapagkat sa pi­ling ng mga lalaking na­bang­git, basta binata at wa­lang pananagutan, ikaw at ang iyong kaisa-isang anak ay nakatakdang lumigaya, habambuhay.

Ayon sa iyong Love Ca­lendar, darating ang nasa­bing lalaki ngayong 2019 hang­gang sa 2020, sa edad mong 27 pataas at sa san­daling nakilala mo na siya, mabilis ang magaganap, mag­kaka­hulugan kayo ng loob, ma­ka­bubuo ng mainit at ma­tim­yas na relasyon na hahan­tong sa pagpapakasal at pag­tatayo ng maligaya at pang­habambuhay na pamilya.