Kelot dedo, 3 sugatan sa pamamaril
Pabs Hernandez III
Aug 3, 2019
1 min read
NORTH COTABATO—Isang lalaki ang namatay at sugatan naman ang tatlong kaibigan nito nang pagbabarilin ng dalawang hindi kilalang armadong salarin kamakalawa sa Bgy. Salunayan, Midsayap.
Kinilala ang nasawi na si Ronald Mallari, samantalang, ang mga sugatan ay sina Marius Hernane, Michael John Gumayao at Mike Casildo, pawang residente sa nasabing bayan.
Ayon sa ulat, nag-iinuman ang mga biktima nang biglang sumulpot ang mga suspek at agad silang pinagbabaril sa naturang lugar.
Dinala pa ng mga saksi ang mga biktima sa pagamutan, pero idineklarang dead-on-arrival si Mallari.
Comments