Horoscope | Hulyo 31, 2019 (Miyerkules)

Maestro Honorio Ong

SA MAY KAARAWAN NGAYONG HULYO 31, 2019 (Miyerkules): Mula pa lang noong bata ka, hindi ka na nauutusan. Bakit kaya? Dahil ikaw ay hindi isinilang na tagasunod kundi tagautos.

ARIES (Mar. 21-Apr. 19) - Pabigla-bigla ang pag-angat mo sa buhay, sa huli, mas mataas ka kaysa sa pinapangarap mong kalagayan. Ito ang mensahe ng iyong kapalaran ngayon. Masuwerteng kulay-green. Masusuwerteng numero-3-19-20-24-30-44.

TAURUS (Apr. 20-May 20) - Ganito ang sabi, kung sino ang iyong nakakasama, magiging ganu’n ka. Kaya ang payo sa iyo, dumikit ka sa mga sinuwerte at tiyak na susuwertehin ka rin. Masuwerteng kulay-yellow. Masusuwerteng numero-11-12-28-39-41-45.

GEMINI (May 21- June 20) - Itataas ka ng nasa paligid mo, pero mag-aalinlangan ka dahil ang alam mo, kaya lang maganda ang nangyayari sa buhay mo ay dahil likas kang mapalad. Ito ang mensahe para sa iyo.

Masuwerteng kulay-purple. Masusuwerteng numero-15-29-34-37-41-42.

CANCER (June 21- July 22) - Mahihirapan ka at parang susuko ka sa hamon ng buhay, pero sa hindi inaasahang pagkakataon, may masisilip kang liwanag tulad ng liwanag sa gilid ng makakapal na ulap. Masuwerteng kulay-pink. Masusuwerteng numero-9-11-12-26-39-44.

LEO (July 23-Aug. 22) - Hindi mo kailangang maging masipag. Ang mga suwerte ay kusang gumuguhit sa iyong buhay. Gayunman, ang paghihirap mo ay mapakikinabangan mo pa rin. Masuwerteng kulay-beige. Masusuwerteng numero-18-22-25-34-38-41.

VIRGO (Aug. 23-Sept. 22) - Kakatok sa kapalaran mo ang pagkakataong ikaw ay umasenso. Nagbabalita ito na mamumuno ka at hahawak ng maraming tao. Huwag kang aatras, kailangan mo itong tanggapin at yakapin. Masuwerteng kulay-blue. Masusuwerteng numero-17-24-25-36-38-40.

LIBRA (Sept. 23-Oct. 22) - Nakatutuwa ang kapalaran mo ngayon. Mapasasaiyo ang pinapangarap ng marami. Ikaw na hindi sapat ang kakayahan ay magtatagumpay. Ito ang mensahe para sa iyo. Masuwerteng kulay-black. Masusuwerteng numero-9-14-16-27-30-33.

SCORPIO (Oct. 23-Nov. 21) - Ipadama mo sa palagi mong nakakasama ang pagtingin mo. Huwag mong kalilimutan na ang nakakasama mo ay regalo ng langit. Ito ang mensahe ng iyong kapalaran ngayon. Masuwerteng kulay-violet. Masusuwerteng numero-2-19-21-24-39-42.

SAGITTARIUS (Nov. 22-Dec. 21) - Huwag mong bitiwan ang dati ng nagpasaya sa iyo. Mahalaga rin ang mga bagong kaibigan at kapalagayan ng loob mo, pero sila ay susubukan muna ng panahon. Masuwerteng kulay-peach. Masusuwerteng numero-18-20-27-28-39-40.

CAPRICORN (Dec. 22-Jan. 19) - Nakatutuwa ang buhay sa mundo. Ang minsang naglamangan ay muling maglalamangan. Ikaw ang nasa huli, kaya muli kang malalamangan ng malapit sa iyo. Masuwerteng kulay-red. Masusuwerteng numero-17-22-25-34-35-45.

AQUARIUS (Jan. 20-Feb. 18) - Mahirap paniwalaan, pero kahit nag-aalinlangan ka, ang payo sa iyo ay awayin mo ang nagmamahal sa iyo. Sa ganitong kakaibang paraan, mas lalong tatamis ang inyong relasyon. Masuwerteng kulay-brown. Masusuwerteng numero-16-18-20-24-39-46.

PISCES (Feb. 19-Mar. 20) - Walang sinumang makapipigil sa pag-ikot ng kamay ng orasan. Sa ganitong katotohanan, hindi ka mapag-iiwanan kaya huwag kang mabuhay sa kabiguan. Ito ang mensahe para sa iyo. Masuwerteng kulay-white. Masusuwerteng numero-14-15-16-20-21-25.