Kahulugan ng mga patay na isda at malinaw na tubig

Socrates Magnus

Salaminin natin ang panaginip ni Arlene ng Ar­lene_Garcia@face­book. com

Dear Professor,

Napanaginipan ko sina Mama Mary at Santo Niño, papasok daw sila sa Simbahan at nakatingin sila sa akin.

Pagkatapos, nanagi­nip din ako ng tubig na malinaw at maraming isda, pero, marami akong nakitang patay na isda habang ako ay naglala­kad.

Ano ang ibig sabihin ng mga ito?

Naghihintay,

Arlene

Sa iyo Arlene,

Ang mga taong naka­panaginip ng mga banal na personalidad na kapag kanilang sinuri ang kani­lang buhay ay matutukla­sang kakaiba sa mga pang­karaniwan.

Kapag nilaliman pa nila ang pag-oobserba sa kanilang sarili, may mala­laman silang lihim na ba­gay at ito ay may misyon silang dapat gawin o sun­din.

Kalakip ang dalawang katotohanang ito, sila rin ay minsang nangako na magsisimba o magno­no­bena at dadalaw sa mga Simbahang ang iniaangat ay sina Mama Mary at Santo Niño. Dahil dito, ikaw ay pinapayuhang du­ma­law sa mga Simba­han.

Ang ikalawang payo ay ang tuparin mo ang mga bagay na ipinangako mo sa langit, gayundin, ang misyon mo sa mundo.

Malungkot ka dahil na­kapanaginip ka ng tubig at ang kalungkutan ay ko­nektado sa mahirap na buhay na iyong nara­ra­nasan ngayon.

Ang masayang balita dahil nakapanaginip ka ng maraming isda, ang ma­gandang buhay ay mapa­sasaiyo na.

Ang mga patay na isda kapag napanaginipan, ang nanaginip ay mapapalaban sa mga tukso ng buhay.

Huwag kang matakot dahil ang sabi ng iyong mga panaginip, kapag ka­kampi ng tao ang langit, kahit ang pinakamalakas na tukso ay matatalo niya.

Hanggang sa muli,

Professor Seigusmundo del Mundo