Call center agent, sekyu, GR, etc., read n‘yo ‘to... SURVIVAL TIPS PARA SA MGA NIGHT SHIFT

“WILLING ka bang magpuyat para sa tra­ba­ho?”

Kasama sa struggle ng bawat empleyado ang pagkakaroon ng deman­ding na schedule, ‘yung tipong kailangan mong gumising nang maaga kahit late ka nang natu­log, kaloka!

Well, paano pa kaya ‘yung mga beshy nating “tulog sa umaga at gising sa gabi?”. Hmmm… anuman ang pinagkaka-busy-han ninyo, ‘wag kayong mag-alala dahil narito ang ilang survival tips para sa mga empleyadong may night shift schedule:

1. MAGKAROON NG KOMPORTA­BLENG MATUTULU­GAN. Una sa lahat, dito tayo dapat mag-invest, ito ang magsisilbing “charger” natin sa pagkaka­ta­ong nalo-low­bat na tayo. Siguraduhing may sapat na bentilasyon at pa­tayin ang ilaw sa lugar na tutulugan. Makatutulong ito upang ma­daling makapag-adjust ang katawan at mag­karoon nang mahimbing na tulog.

2. HUWAG UMINOM NG ALAK PAGKATA­POS NG SHIFT. Kung iniisip ninyong madali ka­yong makatutulog kapag nakainom ng alak, mali ‘yun sapagkat makasisira ito ng sistema sa pagtulog ng indi­bid­wal, partikular sa mga may night shift schedule. Hin­­­­di bawal ang magwalwal, si­guraduhin lang na walang pasok kinabukasan, ganern!

3. MAGKAROON NG PANAHON SA PA­MILYA AT MGA KAI­BIGAN. Ito ay­ naaangkop, anuman ang schedule ng empleyado. Tandaan, gaanu­man ka-busy sa trabaho, ‘wag kalimutang magkaroon ng ‘bonding moments’ ka­sama ang mga mahal natin sa buhay. Ito ang pagkakataon kung saan pansamantala tayong makahihinga sa tra­baho at magkaroon ng moti­basyon para magpatuloy pa sa ating ginagawa.

4. MAGING RES­PONSABLE SA PAG­KAIN. Karamihan sa atin ay bumabawi sa pagkain dahil ang tingin natin, ‘reward’ ito pagkatapos ng stressful na trabaho. Ayon sa research, ang pagiging iresponsable sa pagkain ng mga emple­ya­dong nagtatrabaho sa gabi, kadalasan ay nauuwi sa ‘stress eating’, ang masaklap pa, maaari itong mauwi sa depresyon. Puwedeng ku­main, pero siguraduhing nasa tamang oras o sakto lang ang kakainin.

5. HUWAG MA­GING TOXIC. Karamihan sa mga panggabi o night shift worker ay iritable o mainitin ang ulo. Marahil, dahil ito sa adjustment na ginagawa nila kung saan gising sila habang natutulog na ang lahat, pero hindi ito dahilan para ma­ging demanding o OA sa pa­giging maarte. Bawat isa ay may kani-kanyang ‘struggle’, kaya huwag toxic at dapat may konsiderasyon tayo para iwas-trouble na rin, oki­doki?

Walang madaling tra­baho, lahat may advantages at disadvantages — day ­shift, night shift o rotating schedule man tayo. Ba­ga­ma’t, mahirap, keri lang ‘yan para sa ekonomiya at iba pang dahilan ninyo.

Pero, tandaan, kalusugan at ika­bubuti ng ating sarili ang dapat nating iprayori­dad, sabi nga nila, ‘wag mong pa­tayin ang sarili mo para ma­buhay.

Copy?