Make sure na ikaw ang sasagot sa puhunan, bro! LALAKING SA SANDALING IPINAMANDO KAY MISIS ANG NEGOSY

Maestro Honorio Ong

KATANUNGAN

1. Naguguluhan ako ngayon, Maestro, balak ko nang mag-resign sa tra­baho ko at magnegosyo na lang. Pero, napansin kong nahulog ang guhit ng Fate Line at Business Line sa pagitan ng aking mga da­liri. Ano ang ibig sabihin nito?

2. Ang sabi ng misis ko, kapag daw nag-resign ako, mas maganda raw na mag-apply na lang ako sa abroad, para mas madali kaming makaiipon at siya na lang daw ang magne­ne­gosyo kung sakali mang kasya pa ang natitira na­ming pera na pampuhu­nan.

3. Sa ngayon ay nali­lito talaga ako kung ano ang gagawin ko sa aming kabuhayan dahil luma­­laki ang gastos ng aking pa­milya, pero hindi na­da­­rag­dagan ang aming in­come. Sana, magaba­yan n’yo rin kami upang umun­­lad at magkaroon ng ma­saganang pamu­mu­hay ang aming pa­milya.

KASAGUTAN

1. Tama ang nakikita mong guhit sa kaliwa at ka­nan mong palad kung saan nahulog nga sa pagitan ng mga daliri ang Fate Line (Dra­wing A. at B. F-F arrow a.) at Business Line (Drawing A. at B. N-N arrow b.) sa ka­liwa at kanan mong palad. Ibig sabihin, kung sakaling mag­nenegosyo ka at ikaw ang magma-manage o ma­ma­­mahala, malamang na hin­di ka rin makaiipon at hindi rin uunlad ang nasabing ne­gosyo dahil malulustay o ma­wawaldas mo lang ang puhu­nan o kaya ay ang mangya­yari, magagastos mo lang ang puhunan sa walang kabulu­hang mga bagay.

2. Dahil dito, tama ang suhestiyon ng iyong asawa, mas mainam sigurong siya na lang ang pagnegosyohin mo at kasabay nito, ikaw ay mag-apply sa abroad.

3. Ang pag-aanalisang mas papalarin ka sa pangi­ngi­bang-bansa kaysa sa pagnenegosyo ay madali na­mang kinumpirma ng mali­naw at maaliwalas na Travel Line (Drawing A. at B. t-t arrow c.) sa kaliwa at kanan mong palad. Tanda na sa sandaling nakapag-abroad ka, magtutuluy-tuloy na ito at habang ipinadadala mo sa iyong pamilya ang kinikita mo sa ibayong-dagat, posib­leng maipon ng misis mo ang iyong kinikita na maaari ni­yang ipampuhunan sa anu­mang maiisip ninyong negos­yo hanggang sa tuluy-tuloy nang maging maluwag ang inyong buhay sa aspe­tong pa­nana­lapi at pang­ma­teryal.

4. Ang pag-aanali­sang mas magiging ma­palad ang misis mo kung siya ang mag­nenegosyo sa halip na ikaw ay ma­dali namang kinum­pirma ng birth date niyang 23 sa pagitan ng zodiac signs na Libra at Scorpio. Kung nagkataong mala­man ang kaliwa at ka­nang palad ng misis mo at nagtataglay siya ng straight Head Line, (Dra­wing A. at B. H-H arrow d.) sa kaliwa at kanang palad, tulad ng na­sabi na tiyak ang magaganap, siya ang tila magsisilbing “alas” upang umunlad ang inyong kabu­hayan hanggang sa tuluyan na kayong yuma­man sa tak­dang panahong inilaan ng kapalaran.

DAPAT GAWIN

Habang, ayon sa iyong mga datos, Martin, mas ma­inam na sumunod ka sa mungkahi ng misis mo na ikaw ay mangi­bang-bansa habang siya ang magsisi­mula ng negos­yong may ka­ugnayan sa tindahan o kaya ay sa gro­cery.

Sa ganyang pa­raan, tiyak ang magaganap, mga lima hanggang pitong taon mula ngayon, sa taong 2024 sa edad mong 47 pa­taas 45 naman si misis, unti-unti nang uunlad ang inyong kabuhayan hanggang sa tu­luyan na kayong yumaman.