Alamin mula kay Señor... KAALAMAN TUNGKOL SA PAGGAMIT NG KANDILA KAPAG NAGDARASAL

Sr. Socrates Magnus II

Bigyang-daan natin ngayon ang email ni Estella ng Estella_Estella@face­­-book.com

Dear Señor,

Bakit gumagamit ng kandila sa pagdarasal at ang sabi ng mga kaibigan ko, kailangan daw ang mga kandila para makipag-com­municate sa mga es­piritu.

Totoo ba ‘yun?

Salamat!

Naghihintay,

Estella

Sa iyo Estella,

Iha, bawal na bawal ang sumangguni sa mga espiritu, letra-por-letra na nasusulat ito sa Banal na Kasulatan. Lalong bawal ang gumamit ng ritwal sa pagsasangguni sa mga espiritu.

Ang mga kandila ay may ningas at ang ningas ng kandila ay sinisimbolo ng tinatawag na “the hidden inner light” na nasa bawat tao.

Ito ang munting liwa­nag na taglay ng bawat tao. Hindi nawawala at naroroon ang ningas na ito. Kapag ang tao ay litung-lito kung ano ang dapat niyang gawin, ito ang gagabay sa kanya.

Kapag ang tao ay down na down, ito ang gigising sa kanya para muli siyang su­migla. Kapag ang tao ay hopeless, ito ang magbibi­gay sa kanya ng pag-asa.

Narito ang tamang paggamit ng mga kandila:

1. White candles ang gagamitin kapag ang mga prayer o request ay nag-uugat sa minamalas ang buhay na wala ng kapa­ya­paan o katiwasayan. Ito rin ay ginagamit kapag ang tao ay umamin na siya ay ma­kasalanan kaya kailangang maging malinis ang kan­yang pagkatao.

2. Pink candles ang ga­mitin kapag ang hinahangad ay kapayapaan sa isipan o peace of mind. Kapag ang dalaga ay gustong magka­roon ng boyfriend, ito rin ang dapat niyang gamitin. Puwedeng-puwede rin ito para maayos ang magulong love life at ang mga dasal na ang layunin ay patinuin o hindi magkasala pa ang boyfriend, karelasyon o asawa.

3. Blue candles ang ga­mitin kapag ang kahilingan ay gumaling sa karamda­man. Lalung-lalo na sa mga sakit na ayon sa doktor ay wala ng lunas. Ito rin ay gi­nagamit kapag ang request ay promotion sa work at para talunin ang mga kakumpi­ten­siya sa business.

4. Violet candles, ito ay ginagamit ng mga mistiko, monk, guru at ng mga high priest para mapabilis ang tinatawag na “union with God.” Gayundin, sa medita­tions, chanting at deep pra­yings. Magagamit din ito para sa mga kahilingan na gumanda ang kapalaran ng mga mahal sa buhay na nasa malalayong lugar.

5. Green candles, ito ay ginagamit para sa negosyo na lumago ito nang mabilis. Ang may sakit na may dipe­rensiya sa anumang bahagi ng katawan, pero hindi dahil sa mga mikrobyo ay ginaga­mitan ng green candles. Ang mga patak ng green candles sa lalagyan ng pera sa pagtitinda ay magsisilbing lucky charm.

(Itutuloy)