Julie Anne, napalitan na agad… PIKTYUR NG LIPS-TO-LIPS NI BENJAMIN AT MODEL, KALAT NA!
- BULGAR
- Jul 18, 2019
- 1 min read
Nitz Miralles / BIDA
Kung sa Dahil sa Pag-ibig, problematic sa love life niya ang karakter ni Benjamin Alves na si Eldon, sa totoong buhay, masaya ang love life ng aktor at napalitan na sa puso niya si Julie Anne San Jose.
Ang model na si Chelsea Robato na ang special girl ng aktor at kung babasahin ang convo nila, may relasyon na ang dalawa.
Hindi naman siguro sila maghaharutan at magpi-flirt sa social media kung wala lang ‘yun. Hindi rin iki-kiss ni Benjamin sa lips si Chelsea sa birthday nito kung friendship lang ang meron sila.
Ang comment nga ng mga followers ni Benjamin, nakapag-move on na siya nang bonggang-bongga sa breakup nila ni Julie at nawala na ang brooding look niya. Sa latest photos nito, lagi nang nakangiti ang aktor at nakikipagharutan nga kay Chelsea na kagaya niya ay taga-Guam din.
Uwing-uwi na siguro si Benjamin noong nasa Montreal, Canada siya para dumalo sa 2019 Fantasia International Film Festival kung saan ang movie nila ni Solenn Heussaff na Misterio dela Noche (Mystery of the Night) sa direction ni Adolf Alix, Jr., ay nagkaroon ng world premiere.
Nagtataka lang kami kung bakit dinelete ni Benjamin ang picture nila ni Chelsea na kuha sa birthday nito, eh, magkatabi lang naman sila. May lumabas na picture ng lips-to-lips nilang dalawa.
Comments