Lolo dedbol sa armado

NUEVA ECIJA—Isang 67-anyos na lolo ang binaril at napatay ng hindi kilalang lalaki, kamakalawa sa Bgy. Tutuloy, Cuyapo sa lalawigang ito.

Kinilala ang biktima na si Tranquilino dela Cruz, nakatira sa nabanggit na barangay.

Nabatid na habang nanonood ng telebisyon sa kanilang bahay si Dela Cruz ay biglang pumasok ang suspek at agad pinagbabaril ang biktima.

Nagpalabas na ng manhunt operation ang pulisya para madakip ang suspek.