Gumanti sa ginawa sa kanya noon... SHARON, SINABUYAN NG ALAK SA MUKHA SI CHERIE GIL

Anj Cabilla / PAK ANG GANAP

NAGKAROON naman ng reunion ang former on-screen rivals sa pelikulang Bituing Walang Ningning na ipinalabas noong 1985 na sina Sharon Cuneta at Cherie Gil na naganap noong July 13.

Bilang parte ng kanilang reunion, ini-reenact ng dalawa ang iconic scene mula sa kanilang pelikula, kung saan si Lavinia (Cherie) ay magsasaboy ng wine sa mukha ni Dorina (Sharon).

Dito rin binitawan ni Cherie Gil ang famous line niyang... “You’re nothing but a second-rate, trying hard copycat!”

Pero nagkaroon ng twist ang re-enactment nina Sharon at Cherie dahil nagpalit sila ng role.

In-upload ni Sharon sa YouTube account niya ang video na ibinahagi naman ni Cherie sa kanyang Instagram account.

Aniya, “Mission accomplished!”

Dagdag pa niya, “Thank you for being the best friend ever.

“And for being game always and for a wonderful evening and for your lovely children and for the gift of you and your big heart! Love you!”