Dapat daw hindi natin sila dinidiktahan sa gusto nila... 6 REASONS KUNG BAKIT NAGKAKAROON NG ‘POOR P

NAI-STRESS na ba kayo dahil palagi na lang bagsak o hindi maganda ang sta­tus sa pag-aaral ng inyong anak, kapatid o sinumang pinaaaral ninyo?

Sa totoo lang, maraming dahilan kaya may mga estudyante na bumabagsak sa school. Karamihan, ito ay dulot ng prob­lema sa mental at psychological na as­peto. Kung iisipin natin, magkakaiba ang personalidad at kapasidad ng pag-iisip ng bawat bata kaya bago natin sila husgahan, narito ang ilang dahilan kung bakit may mga estudyanteng bumabagsak o nagka­karoon ng ‘poor performance’ sa school:

1. POOR TIME MANAGEMENT SKILLS. Karamihan sa mga estudyante ay nakararanas ng ganitong sitwasyon, hindi dahil tamad sila kundi dahil madali silang ma-distract. Habang maaga pa, turuan natin sila tungkol sa tamang paggamit ng oras, puwede silang gumawa ng outline o checklist nang sa gayun ay magawa nila ang kanilang school tasks nang hindi nagagahol o nauubusan ng oras.

2. SAFETY ISSUES. Kapag dumadalas ang pagliban ng estudyante sa paaralan, hindi natin sila dapat pinagagalitan kaagad, bagkus, kailangan natin silang obserbahan. Maaaring biktima sila ng bullying o mayroon silang mga iniiwasan kaya ayaw nilang pumasok sa school. Humanap tayo ng tiyempo para kau­sa­pin sila tungkol sa problemang ito.

3. LOW SELF-ESTEEM. Napakahi­rap magkaroon ng kumpiyansa sa sarili, lalo na kapag napaliligiran ka ng mga taong ma­panghusga. Kung napapansin mong mahi­yain o hindi palakaibigan si bagets, gumawa tayo ng paraan para matulungan silang mag­karoon ng self-confidence sa pamamagitan ng pagsuporta sa mga bagay na interesting o makapagpapasaya sa kanila.

4. LACK OF DESIRE. May mga estudyanteng marunong sa English subject, pero hate ang Math o vice-versa. Ka­ramihan sa mga mag-aaral ay under­ achiever dahil kahit may potensiyal sila, hindi nila trip ang kanilang ginagawa o wala silang sapat na motibasyon para gawin ito.

5. WRONG PROGRAM. Ito ‘yung tipong mas competitive pa ang magulang kaysa sa anak nila. May mga magulang na ini-enroll nila ang kanilang anak sa prestigious school, all-boys/all-girls school o pinakukuha ng kurso kahit hindi kom­portable ang estudyante. Tandaan, ikala­wang tahanan ng mga bata ang eskuwelahan, iwasan nating ma-awkward o malimitahan ang kanilang galaw dahil sa pansarili na­ting kagustuhan. Mahalaga ang opinyon nila dahil sila ang mag-i-stay sa school at mag-aaral nang mahabang panahon, hindi tayo.

6. LESS PERSEVERANCE. Hu­wag natin hayaang mawalan ng gana sa pag-aaral ang mga bata, maraming alterna­tibong paraan para mapanatili ang kanilang interes sa pag-aaral. Kaya dapat sa bawat pagkaka­taon ay ipaintindi natin sa kanila ang kahala­gahan ng edukasyon sa kanilang buhay.

Bawat araw, maraming kabataan ang humaharap sa iba’t ibang struggle tulad nating mga adult kaya hangga’t maaari, habaan natin ang ating pasensiya na intindi­hin sila at huwag tayong mapagod na ipa­unawa sa kanila ang mga bagay-bagay na dapat nilang matutunan at malaman.