Dagdag-bawas sa presyo ng gas

MAGKAKAROON ng paggalaw sa presyo ng mga produktong petrolyo ngayong linggo.

Sa abiso ng Shell at Petro Gazz, may dagdag na P0.25 sa kada litro ng gasolina ha­bang may tapyas namang P0.40 sa kada litro ng diesel.

Ayon pa sa Shell, maba­bawasan din ng P0.35 ang kada litro ng kanilang kero­sene o gaas.

Ipatutupad ang bagong oil price adjustment simula alas-6:00 bukas ng umaga.

Samantala, naunang nag­patupad ng P0.40 na bawas-presyo sa diesel ang Phoenix Petroleum Philippines epek­tibo alas-12:00, Sabado ng tanghali.

Inaasahan namang mag-aanunsiyo ng bagong presyo ng mga produktong petrolyo ang ilan pang kumpanya ng langis.