Bukod sa compatible ang birth date ninyo, ‘teh! DALAGANG SA SANDALING NAGING BF ANG MATAGAL NG CRUSH

Maestro Honorio Ong

Dear Maestro,

May crush akong la­laki na December 13 , 1996 ang birthday, pero hindi ko inaasahang mapapansin niya ako.

Kung saan-saan na ako nakarating at namasu­kan, pero pagbalik ko sa probin­siya namin, nakapagta­ta­kang naging close kami. Ito ay nangyari nang mag-break sila ng girlfriend niya na bestfriend ko rin.

Tapos nagkuwentuhan kami at ikinuwento niya sa akin na nag-break nga raw sila ng girlfriend niya dahil nag-Japan ito at doon na na­kapag-asawa ng Hapon.

Akala ko noon, ang crush ay paghanga lang na nawawala rin paglipas ng panahon. Pero, iba ang na­ging feeling ko sa kanya, lalo na ng maging close kami, tuluyan na akong na­pamahal sa kanya.

Kaya ngayon, hindi ko alam kung may nararam­daman din siya sa akin o baka kaya naging malapit siya sa akin ay dahil broken-hear­ted siya ngayon.

Ma­saya ako kapag mag­kasama kami at okay na sana sa akin ‘yung gani­tong feeling. Ang gusto kong malaman, Maestro, ay kung compatible ba kami at magiging kami din kaya, balang-araw? April 7, 1997 ang birthday ko.

Umaasa,

Cathy ng Bignay 1, Sariaya, Quezon

Dear Cathy,

Ang zodiac sign mong Aries at Sagittarius ang la­laking espesyal sa puso mo ay tunay ngang compatible sa isa’t isa dahil ang Aries at Sagittarius ay kapwa pina­ngi­ngibabawan ng elemen­tong fire o apoy.

Habang sa Numerology, ang birth date mong 7 ay sadyang suwetung-suwe­tong isama sa birth date na 13 o 4 (1+3=4) ng sinasabi mong lalaki kung saan sa pang-estatistikang basehan, tunay ngang maraming isini­lang sa mga petsang 7, 16 at 25 ay nakatutuluyan silang isinilang sa mga petsang 4, 13, 22 at 31.

Ibig sabihin, sa pag-a­analisang pang-Astro-Nu­me­rology, walang duda, sad­yang tugma talaga kayong dalawa.

Kaya sobrang laki ng po­sibilidad na siguradong ma­uuwi ang kasalukuyan nin­yong pagkakaibigan sa ma­timyas at masayang relas­yon kung saan habang tu­matagal ang inyong friend­ship at kakaibang ugnayan, lalo kayong masasarapan na pang-emosyunal hanggang sa tuluyang mauwi ito sa to­too at wagas na pag-iibigan.

Paglipas pa ng ilang mga taon, matapos na tuluyang maging kayo, tiyak ang ma­ga­ganap, darating ang pana­hong mauuwi rin sa maligaya at panghabambuhay na pag­papamilya ang inyong relas­yon na nakatakdang mang­yari ngayong taon, sa buwan ng Disyembre, sa edad mong 22 pataas.