Alamin mula kay Señor... DAGDAG NA KAALAMAN TUNGKOL SA LUCKY CHARMS

Sr. Socrates Magnus II

Bigyang-daan natin ngayon ang pagpapa­tuloy sa kasagutan sa e-mail ni Perly ng Perla03_ Cutie@facebook.com

Sa iyo Perly,

Narito ang karagda­gan sa mga puwedeng pampasuwerte o lucky charms na hatid ng tag-ulan:

1. Ang unang bulaklak sa halaman, ibig sabihin, mula sa pagtubo, ang ha­laman ay lalago at mamu­mulaklak at ang unang bu­laklak ay ang magsisilbi ninyong lucky charm.

Hindi pangkaraniwan ang power ng unang bu­laklak dahil ito ay naga­ga­mit sa panggagayuma.

Ilagay ito sa pabori­tong pabango at gamitin ang pabango para maga­yuma ang mga tao, ibig sabihin, hindi lang ang mga lalaki kundi maging ang kapwa ninyo babae.

Puwede ring gamitin ang pabango na nilagyan ng bulaklak bago humarap sa taong lalapitan at saka hilingin ang iyong kagus­tuhan.

2. Katas ng mga dahon na mula rin sa halaman. Isama ang dagta sa langis at puwede itong gamitin sa mga sakit sa balat, ga­yundin sa rayuma o pama­maga ng kasu-kasuan.

Ginagamit din ito na panghatak ng mga suwerte kaya inirerekomenda na bago lumabas ng bahay ay maglagay muna nito sa bra­so, kamay, leeg o dib­dib.

Ang resulta ay maili­lipat sa iyo ang ilang mga suwerte ng makahaharap o makakatabi mo .

3. Kapag nabasa ng malakas na ulan, pigain ang damit na nabasa at ilagay sa maliit na batya.

Mabisang panlaban ito sa negatibong enerhiya na naninirahan sa loob ng bahay.

Sa kuwarto ng may sakit, puwede ring ilagay ang nasabing batya. Sa ga­nitong paraan, bibilis ang paggaling ng may ka­ram­daman.

Mabisa rin itong pam­paalis ng kamalasan na na­raranasan ng nakatira sa bahay. Good luck and God bless!