Sa mga nalilito riyan at dehins makapag-decide... TIPS PARA MAKAPAGPASYA NANG MAAYOS

NALILITO ka na ba sa mga nang­ya­yari sa buhay mo? ‘Yung tipong dehins mo gets kung paano ka na­­punta sa sit­was­yong ki­nala­lag­yan mo ngayon? Marahil, ang dahi­lan nito ay ang mga maling de­sis­yon na napili mong gawin noon.

Bagama’t, hindi ma­dali ang paggawa ng mga desisyon, narito ang ilang tips na dapat ikonsidera na siguradong makatu­tulong sa atin:

1. SET ASIDE SOME QUIET TIME. Kapag may bagay tayong kailangang pag­desisyunan, makabubuti kung bibigyan natin ang ating sarili ng space kung saan ma­layo sa anumang uri ng dis­traction nang sa gayun ay ma­dali nating mapagnini­la­yan ang mga ideya na dapat nating gawin.

2. CLARIFY YOUR THOUGHTS. Ang taong magulo ang isip ay hindi na­kapagdedesisyon nang ma­buti. Bago gumawa ng anu­mang pasya, kailangang wa­lang anumang gumugulo sa ating isipan. Ang kalmado at focus na pag-iisip ang pun­dasyon para magkaroon ng epektibong desisyon.

3. BE CLEAR ABOUT YOUR GOALS. Mada­las, ang pagkakaroon ng “mara­ming goals” sa buhay ang da­hilan kaya mas naliligaw ng landas ang tao. Masyado si­yang maraming trip gawin kaya nalilito siya sa kanyang uunahin. Kapag gusto nating gawin ang partikular na ba­gay, make sure na magka­kasundo ang isip, puso at kakayahan natin para gawin ito.

4. GATHER INFOR­MA­TION. Walang masa­ma kung humingi tayo ng payo sa mga taong malapit at mas nakakikilala sa atin tulad ng ating mga magulang, kaibigan at iba pang mahal sa buhay. Tandaan, na tim­bangin natin ang mga ideya na kanilang ibinigay para sa huli, tayo pa rin ang magde­desisyon para sa ating sarili.

5. CONSIDER WHAT YOUR INSTINCTS TELL YOU. Sa iba, epek­tibo ang “instincts” o “gut feel”, well, kung mabababaw lang naman na pagpapasya tulad ng pagpili ng regalo, pagbili ng damit o sapatos at iba, puwede itong mag-work.

6. LAY OUT THE FACTS. Maaari tayong gu­mawa ng listahan ng pros at cons o advantages at disad­vantages tungkol dito. Ma­katutulong ito para madali nating matitimbang ang choice na dapat nating ga­win.

Sabi nila, bawat desisyon ay may pagsisisi sa huli, pero nakadepende ito kung gaano kabigat o katagal bago natin matanggap.

Tandaan, dapat tayong maging matalino sa paggawa nito dahil gaanu­man ito ka­babaw, may posi­bili­dad na ma­laki ang maging epekto nito sa ating buhay. Gets mo?