Bukod sa paraan ito ng pagpapakita ng affection... PAKIKIPAG-HOLDING HANDS, NAKARE-REDUCE NG STRESS!

Donna Thea Topacio / Gulat ka 'noh?!

NARANASAN mo na ba ang makipag-hol­ding hands, beshy? Uy, aminin! Masa­rap sa feeling kapag kahawak-kamay mo ang taong mahal mo dahil sa paraang ito, nara­ramdaman mo kung gaano ka niya iniingatan at pinaha­ha­lagahan. Pero, ayon sa mga eks­perto, bu­kod sa isa itong paraan ng pag­pa­pa­kita ng affection, ang pa­kikipag-holding hands umano ay na­kare-reduce ng stress.

Ayon sa mga eksperto, ang emotional at physical close­ness sa taong minamahal mo ay nakare-reduce ng stress level. Sa katunayan, sinabi ng mga researcher na para sa ka­ba­baihan kahit larawan lang umano ng kani­lang mina­mahal ang kanilang makita ay nagkakaroon na ka­agad ito ng magandang epekto para sa kanila.

Gayunman, ito ay natuklasan ng psychologists mula sa University of California na nag-aral tungkol sa “importance of social relationships and staying socially connected”.

Samantala, para lalong mabusisi ang pag-aaral, naghanap ang mga researcher ng 25 volunteer partici­pants kung saan karamihan sa kanila ay mga estudyante na nasa good re­lationship for at least six months pataas.

Sa eksperimentong ginawa, sinubukan ng mga da­lubhasa na paranasin ng masakit na pakiramdam ang mga kalahok tulad ng pagpapalagay ng tattoo, pagpunta sa dentista at marami pang iba at habang ginagawa sa kanilang ang mga aktibidad na nabanggit hinawakan nila ang kamay ng ka­nilang mga mahal sa buhay kung saan nakatulong ito para hindi nila masyadong maram­daman ang sakit at nakabawas din ito ng stress na kani­lang nararamdaman dahil sa takot.

Samantala, epektibo rin umano ang pagtingin sa litrato at paghalik sa mga anak para ma-reduce ang stress na inyong nara­ramdaman, kaya kung isa kayo sa mga beshy natin diyan na stress ngayon, knows n’yo na, ha?

Ngayong may bago na tayong nalamang paraan para malabanan ang nakai-stress na buhay, make sure na ibabahagi rin ninyo ito sa mga mahal ninyo sa buhay.

Okidoki?