Kasama nina Sharon at Sarah... KALAT NA: LEA OUT, REGINE PASOK SA THE VOICE

Julie Bonifacio / WINNER!

NAGBUNYI ang mga loyal fans ni Asia’s Songbird Regine Velasquez when she posted a picture together with the Megastar Sharon Cuneta online. In the same manner, nag-post din si Mega ng picture nila ni Regine sa kanyang social media account.

Dahil may pa-hashtag ang picture nina Mega at Regine na “#seeyouinoctober”, agad-agad nag-assume ang mga neti­zens that they will be doing a project together. Kaya makikita sa mga comments ng mga netizens, especially their fans, ang sobrang excitement.

Hindi naman nagbigay ng clue sina Mega at Regine kung ano’ng project ang gagawin nila, pero mas madaling isipin na malamang ay concert or movie ito. But we strongly believe na ang proyektong nakatakdang gawin ng dalawa is for television.

Since todo-plug na sa ABS-CBN ang pagbabalik ng The Voice Philippines kung saan isa sa mga judges ng talent show ay si Mega, duda namin, dyo-join na rin si Regine bilang bagong judge/mentor sa show.

Baka si Regine ang ipalit kay Lea Salonga bilang isa sa mga judges/mentors if true ang balita na nagpa­alam na raw ang international singer sa Kapamilya talent show.

Kapag nagkatotoo ‘yan, aba, bonggang-bongga naman ang TVP! Imagine, may Sharon na, may Sarah Geronimo pa, and now, may Regine pa!

Grabe, super-bigatin ang show, huh!

Pero kung ‘di naman sa TVP magkakasama sina Mega at Regine, okey na okey pa rin kung mag-back-to-back sila sa isang concert. And then, magandang ideya rin kung gagawa sila ng movie together for the first time, ‘di ba?

Wow... how exciting!