Mag-asawang tulak timbog
Pabs Hernandez III
Jun 26, 2019
1 min read
ISABELA—Inaresto ng pulisya ang mag-asawang drug pushers, kamakalawa sa Bgy. Nabbuan, Santiago City sa lalawigang ito.
Ang mga suspek ay nakilalang sina Jerry at April Labarias, kapwa residente sa nabanggit na barangay.
Nabatid na nakakumpiska ang mga tauhan ng pulisya ng sachet ng shabu at markadong pera sa pag-iingat ng mag-asawang suspek.
Nakapiit na ang mga suspek na kapwa nahaharap sa kasong paglabag sa Dangerous Drugs Act of 2002.
Comments