Alamin mula kay Señor.. KATOTOHANAN TUNGKOL SA KASUWERTEHAN

Sr. Socrates Magnus II

Bigyang-daan natin ngayon ang pagpapatuloy sa kasagutan sa email ni Robert ng Robert_ Ro­bert@facebook.com

Sa iyo Robert,

Nabanggit natin na tuwing summer solstice ay may malalaman tayong katotohanan sa buhay ng bawat isa, kumbaga, hindi lang ito kaganapan sa ka­langitan na nakabi­big­hani.

Tuwing summer sols­tice rin makikita ang ka­totohanan na ang mga uma­bot na sa pinakama­taas ay walang magagawa kundi ang bumaba nang bumaba.

Kaya ang tanong, pa­ano mahahadlangan ng tao ang kanyang pagba­ba? Sa mga negosyo, ito ay nakikita kung saan sa kasikatan, ito ay nangya­yari.

Para mahadlangan ang tuluyang pagbagsak, narito ang ilang pananaw na mahigpit na kailangang ikonsidera ng taong pa­baba o pabagsak na:

Una, magbalik-tanaw ka sa nakaraan kung saan aalamin mo kung paano umunlad nang umunlad ang tao o ang negosyo. Tiyak na may makikita kang katotohanan dahil kaya ka tumaas ay dahil pinagsikapan mo ito.

Kumbaga, hindi ma­kararating sa pinakama­taas na kalagayan kung walang naging dahilan ng pagtaas.

Ang mga ito, kadala­san ay ang ugali o pana­naw sa buhay. Noon ay ma­pagpahalaga sa ka­bu­hayan o kinikita ang tao, pero ngayon na pabagsak na siya ay nagbago na ang kanyang ugali. Kaya, ang payo, ibalik mo ang ugali na naging dahilan ng pag-angat ng iyong buhay.

Ang isa sa mga dahi­lan kung bakit tumataas ang kalagayan ay dahil sa mga taong tumutulong, kaya, ang payo para sa iyo kung sino ang nakatu­tu­long sa paglago ng iyong kabuhayan, huwag mo si­yang alisin sa iyong bu­hay o negosyo.

Ito ay kahit na ma­hirap tanggapin na ang mga taong nasabi ay nag­sisilbing pampasuwerte mo. Sa totoo lang, hindi lang bagay ang pampasu­werte dahil mas madalas na ang tao mismo ay su­werte sa kanyang kapwa.

May mga bagay din na suwerte sa negosyo, halimbawa, kung luma na ang mga bagay na ito, mas magandang gawing pan-display o ilagay sa ma­gandang puwesto para palaging nakikita o na­aalala.

Kapag sinunod mo ang mga nasa itaas, hi­hinto ang pagbaba mo at hindi na kikilos ang ka­palaran para mapabagsak ka.

Ito rin ay magsisilbing mga puwersa na nagsa­sabing, kikilos muli ang takbo ng iyong buhay pa­pataas hanggang sa muli mong maabot ang pina­ma­kataas na kalagayan.

Good luck and God bless!