2 NPA patay sa engkuwentro
- Pabs Hernandez III
- Jun 23, 2019
- 1 min read
NEGROS ORIENTAL—Dalawang hindi kilalang miyembro ng New People’s Army (NPA) ang napatay sa naganap na engkuwentro sa pagitan ng mga rebelde at tropa ng pamahalaan, kamakalawa sa Bgy. Talalak, Sta. Catalina sa lalawigang ito.
Sa kasalukuyan ay kinikilala pa ng mga awtoridad ang mga napatay na rebelde.
Nabatid na sinalakay at pinagbabaril ng mga NPA ang Army-Citizens' Armed Auxiliary Patrol Base Detachment sa nasabing barangay, pero agad nakaganti ng putok ang tropa ng pamahalaan kaya napatay ang dalawang rebelde.
Patuloy pang tinutugis ng tropa ng pamahalaan ang iba pang NPA na nakatakas sa naturang engkuwentro.
Comments