Kalinga ng Ama ni: Ronalyn Seminiano Reonico
Kakaibang lakas, iyong taglay.
Sa aki’y ibinigay walang sawang pag-alalay.
Ako’y binigyang kalakasan.
Isip ay pinuno ng karunungan.
Ikaw ang haligi ng tahanan.
Iyong bisig ang nagsilbing unan.
Karunungan mo ang naging sandigan.
Sa gitna ng pagsubok, ‘di ka lumisan.
Kakaibang kalinga iyong ipinadama,
Ginawa mong bago, lahat ng luma.
Isa kang haligi na sinlambot ng pluma.
Lahat ng kamalia’y iyong itinatama.
Ikaw ang haligi, ngunit, ikaw din ang ilaw.
Sa buhay na kay dilim, nagbigay ng ilaw.
Nagsilbing haligi sa araw-araw.
Dinaig sa lakas ang kalabaw.
Ikaw ang nagdala sa pitong supling.
Iyong iningatan upang huwag mawalay sa piling.
Lumbay ng kahapo’y binigyang-lunas.
Nagsilbing kalasag laban sa mga ahas.
Ikaw ang aking ina at tumayong ama.
Isang inang hindi nagsawa,
hindi nang-iwan, hindi duwag,
hindi makasarili at siyang nagtatag.
Mas ama pa sa ama ang ina.
Inang hindi sumuko, hirap hindi inalintana.
Isang dakilang ina, sasapat sa mundo.
Buhay ay binigyang-kulay ng inang tulad mo.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments