Malinaw ayon sa birthday... BABAENG NAKATAKDANG MAGKAROON NG MAUNLAD NA PAMILYA

Maestro Honorio Ong

Dear Maestro,

Totoo pala ‘yung sina­sabi ninyo, Maestro, na ka­pag taong 2, mahina ang loob at weak ang per­sonalidad.

Dati kasi akong nag-aral sa college, pero dahil sa kahirapan ay napili­tan akong huminto.

Binalak kong mag­trabaho kaya nag-apply ako kung saan-saan. Nag­bunga naman ang mga pagsisikap ko at naka­pag­trabaho ako sa pagawaan ng gamot dito sa Bula­can, pero contractual lang kaya pagkatapos ng six months ay nawalan ulit ako ng trabaho at natengga sa bahay.

Ngayon ay 31 na ang edad ko at wala pa ring per­manenteng trabaho at boy­friend, pero may nanli­ligaw sa akin, kaya lang, parang malabo ko siyang sagutin dahil wala rin si­yang work na tulad ko. Gusto kong mag­bago ang buhay ko, kaya naisipan kong su­mang­guni sa inyo.

Sa ngayon, medyo nag­tataka rin ako sa aking sa­rili kasi bata pa ako, pero marami na rin akong mga ka­ram­damang iniinda, subalit, hindi ako nagpapa­tingin sa doktor, kumbaga, inililihim ko ito sa amin da­hil baka ma­ging pabigat pa ako sa mga ma­gulang ko.

Sana, sa pamamagi­tan ninyo ay magkaroon ng di­reksiyon at gabay ang bu­hay ko upang magka­roon ako ng magandang career at lumigaya. May 2, 1988 ang birthday ko.

Umaasa,

Mikaela ng Tikay, Malolos City, Bulacan

Dear Mikaela,

Ang dapat mong gawin ngayon ay mag-asawa. Oo, panahon na, Mikaela, upang ikaw ay mag-asawa nang sa gayun ay magbago na ang iyong kapalaran at tadhana.

Kapag nag-aasawa ang tao, lalo na at May 2 ang birth­­day, hihigupin niya nang kusa ang kapalaran ng la­la­king mapa­pangasawa niya.

Samantala, walang ma­ga­gawa ang lalaking mapa­pangasawa mo dahil ganun­din siya, hihigupin din niya ang tadhana mo at awtoma­tikong makikihati rin siya sa mga problema at kalung­ku­tang iniinda mo ngayon. Kaya ‘yung dati mong ka­pa­laran ay mag-iiba na habang ‘yung dating kapalaran ng lalaking napangasawa mo ay magbabago na rin.

Parang asukal at kape rin ang nasabing pag-aasawa, ‘yung dating kape na mapait ang lasa at asukal na nila­langgam sa garapon at nilag­yan ng mainit na tubig na nakalagay sa tasa at pagka­tapos ay hinalo nang hinalo ay magkakaroon ng reaksi­yon, mag-iiba na ang lasa kung saan ang mata­bang na tubig, ang mapait na kape at ang napakatamis na asukal, sa sandaling hinigop na, sa­sarap at lilinamnam at ang sasabihin ng sinumang ma­ka­hihigop ng nasabing ba­gong timplang kape, “ang sarap”.

Gayundin, ang kapa­la­ran ng tao kung saan ka­ila­ngang may makasama o ma­­iba ang kapalaran niya na kapag naging tama na ang timpla, ang nasabing kapala­ran ay sasarap.

Kapag nag-asawa ka na, ikaw at ang lalaking mapa­pa­ngasawa mo ay magiging isa. Kaya ang sabi ng pari kapag may ikinakasal, “hin­di na kayo dalawa kundi iisa na kayo, bilang mag-asawa”.

Ganu’n ang hiwaga ng pag-aasawa kung saan na­gagawa nitong baguhin ang pangit na kapalaran ng tao dahil hindi lang ang mga numerong hawak o taglay mong zodiac sign ang iim­pluwensiya sa iyong kapa­laran kundi pati na rin ang numero at zodiac sign na bitbit ng lalaking mapapa­nga­sawa at makakasama mo, habambuhay.

Kaya para mawala ang mga problema mo sa buhay, ang unang hakbang na dapat mong gawin ay sabihin mo sa manliligaw mo na magha­nap na siya ng trabaho para kapag may trabaho na siya at nagkataong mahal mo siya, mabait at ka-compa­tible mo, hindi masama na sagutin mo na siya upang magka-boyfriend at tu­luyan ka na ring makapag-asawa.

Kaya, Mikaela, kung ma­rami ka ng iniindang karam­da­man sa edad mong 31, ti­yak na puro, psychological illness lang ‘yan, kumbaga, du­lot lang ito ng kalungku­tan na iyong nararamdaman sa kasalukuyan.

Kaya, ayon sa mga datos sa Astrology, hindi nakabi­bigla na mapapansing kara­mihan sa mga taong 2 tulad ninyong may bitbit na mga numerong 2, 11, 20 at 29, kung hindi namamatay ng maaga, kayo ay nabubuhay nang malungkot at nag-iisa, walang achievement sa bu­hay, umaasa lang kung kani-kanino at kung minsan ay nakatambay lang.

Palagi kang magsuot ng kulay itim, dilaw at iba pang strong color upang lumakas ang iyong loob na magpa­tuloy at lumaban sa bawat suliranin at hamon ng buhay na dumarating sa iyong ka­ra­nasan.

Maghanap ka ng mga kaibigan o kakilala na may strong number tulad nilang isinilang sa mga petsang 1, 10, 19, 28, 8, 17, 26, 9, 18, 27, 6, 15 at 24, sila ang tu­tulong sa iyo sa lahat ng bagay at aspeto ng buhay upang lumakas ang iyong loob.

Dapat mo na ring ba­gu­hin ang iyong lagda. Tang­­galin mo na ang pabilog na hugis sa iyong lagda upang matanggal na rin ang pagi­ging mahina ng iyong kaloo­ban at takot na magkamali at mahusgahan ka ng iba.

Kapag nawala na ang bilog sa iyong lagda, maka­lalaya ka na at magkakaroon ng sariling mundo, hindi ‘yung palagi mong iniisip kung ano ang sasabihin ng iba.

Tandaan mong hindi ma­halaga kung ano ang sa­sabihin ng ibang tao, bagkus, ang mas mahalaga ay naga­gawa mo nang malaya at masaya ang mga bagay na gusto mong gawin.

Sa sandaling sinunod mo ang mga simpleng re­komendas­yong inilahad na sa itaas, tiyak ang maga­ga­nap, ang magandang ka­pa­la­ran ay mangyayari sa iyong buhay, sa taong 2022, sa edad mong 34 pataas, mag­kaka­roon ka na ng stable job, mag­­kaka-boyfriend, ma­ka­pag-aasawa, magka­karoon ng sarili at maunlad na pa­milya at habambuhay ka ng liligaya.