Kuwalipikasyon upang maging ganap na psychologist
Dear Chief Acosta, Ako ay nakapagtapos ng Bachelor’s Degree in Psychology. Kamakailan, ako ay nagsumite ng aplikasyon para kumuha ng licensure examination para maging ganap na psychologist, pero ang sabi sa akin ay kulang pa raw ang kuwalipikasyon ko. Tama ba ito? — Maria
Dear Maria, Para sa inyong kaalaman, nakasaad sa Section 12 ng Republic Act No. 10029 o mas kilala bilang “Philippine Psychology Act of 2009,” na:
“Section 12. Qualifications of Applicants for the Licensure Examination for Psychologists. - Any person may apply to take examination for registration and licensure as a psychologist after furnishing evidence satisfactory to the Board that the applicant:
(a) Is a Filipino citizen, a permanent resident or a citizen of a foreign state/country which extends reciprocity to the Philippines relative to the practice of the profession;
(b) Holds at least a master’s degree in psychology conferred by a university, college or school in the Philippines or abroad recognized/accredited by the CHED and has obtained sufficient credits for the subjects covered in the examinations; xxx” (Binigyang-diin)
Ibig-sabihin, hindi sapat ang bachelor’s degree upang makakuha ng pagsusulit para maging ganap na psychologist. Isang Master’s Degree pa ang kinakailangan bago ito maisagawa.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.
Comments