Away sa parking | TRICYCLE DRIVER BINARIL NG RIDER, DEDBOL

DAHIL sa parking slot kaya pinaniniwalaang pinatay ang tricycle driver ng nakaalitan nito kamakalawa sa Daang Amaya 1, Tanza, Cavite.

Alas-6:15 ng gabi, nagmamaneho ng kanyang tricycle ang biktimang si Jernel Amarille nang magpa-park sana sa Tanza Public Market pero, nakaalitan ang magpa-park din na hindi nakilalang suspek na sakay naman ng motorsiklo, angkas ang isang babae.

Nagtalo ang dalawa hanggang sa umalis ang suspek pero, maya-maya lamang ay bumalik itong mag-isa saka biglang binaril ang biktima bago tumakas.

Dinala sa Tanza Family Hospital ang biktima pero, idineklara na itong dead-on-arrival.