DAVE PEÑALOSA 136.5-LBS KASADO NA SA SAUDI ARABIA

TUMIMBANG si World-ranked Filipino featherweight Dave Peñalosa (15-0, 11 KO’s), anak ni dating two-time world champion Dodie Boy Peñalosa, ng 136.5 pounds para sa kanyang WBC mandatory 30-day pre-fight weigh-in sa darating na pakikipagbakbakan ng southpaw kay South African WBC #11 Lerato Dlamini (12-1, 6 KO’s) sa Saudi Arabia.

Idaraos ang Peñalosa vs Dlamini ‘clash of civilizations’ para sa WBC International Featherweight title sa gabi ng Biyernes, Hulyo 12 sa King Abdullah Sports City sa Jeddah, Saudi Arabia port city ng Red Sea.

Ang undercard na bakbakan, ayon kay Carlos Costa ng Philboxing ay isa sa chief supporting bouts ng main-event battle nina British-Pakistani superstar Amir Khan kontra Indian fighter Neeraj Goyat para sa WBC “Pearl” Welterweight title. Sa kanyang huling misyon, tinigpas ng 28-anyos na si Peñalosa ang matataas na hard-punching Mexican na si Marcos Cárdenas (19-7-1, 15 KO’s) noong Pebrero 2019 sa isang Manila televised fight sa ESPN5.

Samantala, ang katunggali niyang si “Lights Out” Lerato Dlamini na darating sa Saudi Arabia ay hawak ang ilang puntos kontra Tanzanian Haidari Mchanjo (10-6-4, 4 KO’s), mula sa 10-round duel na idinaos sa East London City, South Africa noong Oktubre, 2018.