Bi-bingo ka 'pag mahina ang pick-up mo… PERFECTIONIST NA COMEDIAN-TV HOST, AYAW NG BOBONG KAUSAP

BLIND ITEM:

KUNG sa pagiging propesyo­nal sa trabaho ay walang masa­sa­bi sa isang magaling na comedian/TV host. Hindi siya naging problema sa kanyang mga hinawakang TV shows at wala siyang shows/concert na ibinitin. Sobrang de­dicated siya sa trabaho kapag kan­yang tinanggap.

Matsika rin siya sa mga kasama­hang artista. Hindi siya nagdi-demand ng VIP treatment sa anumang events na kanyang pinu­pun­tahan.

Matalino, smart at updated din ang comedian-TV host sa mga latest news at kaganapan sa paligid. Hindi siya napag-iiwanan sa mga balita. May kakaiba rin siyang karisma sa tao at hindi plastic sa pakikitungo.

Ang napapansin lang ng mga tao sa paligid ng comedian-TV host ay ang pabagu-bago niyang moods. Minsan, OA ito sa pagka-Mr. Friendship, kaway-kaway at tsika-tsika sa lahat. Pero minsan, tahimik lang at dedma kahit sa mga malalapit na kaibigan.

Isa pang ugali ng comedian-TV host ay ang pagka-perfectionist nito sa lahat ng bagay. Ayaw ng magulo at makalat na kapaligiran. Ayaw din niya sa makukulit na tao at ‘yung hindi makaintindi kahit na simple ins­tructions lang. Gusto niya, kasingtaas ng level ng IQ niya ang mga taong nakakausap niya.

Bipolar tuloy ang tawag sa kanya — minsan, mabait, minsan, masungit! Pero, sa larangan ng pag-ibig siya nasisira. Hindi niya nade-detect kung naloloko na siya.