Derek, sandali pa lang daw nakakasama, naahas na… FANS KAY ANDREA, MANG-AAGAW NG BF!

Erlinda Rapadas / TEKA NGA

NAPAKA-UNFAIR para sa Kapuso actress na si Andrea Torres na mapagbintangan na isang “boyfriend snatcher.” Siya kasi ang itinuturong third party sa breakup ni Derek Ramsay at ng GF nitong modelo na si Joanne Villablanca.

Almost six years na ang relasyon nina Derek at Joanne at nasabi na nga noon ng aktor na ang GF na ang kanyang pakakasalan.

Si Andrea naman ang leading lady ni Derek sa upcoming serye nila sa GMA Network, ang The Better Woman. Ilang beses pa lang silang nagkikita sa teyping, so paano naman mangyayaring agad-agad, eh, magiging magkarelasyon na sina Andrea at Derek?

Still on Derek, may mga nagsasabing tila may sumpa ang aktor kaya hindi nagtatagal ang relasyon.

‘Yung sinasabing “6-year curse” na kapag umabot na sa 6 years ang relasyon niya sa babae, eh, nagkaka­hiwalay na, tulad na lang daw nang nangyari sa kanila ni Solenn Heussaff at ni Angelica Panganiban.

Maraming naaawa kay Angelica dahil nakita ng kanyang mga kaibigan kung gaano niya itinodo ang kanyang pagmamahal sa aktor. Pero sad to say, nauwi rin sa paghihiwalay.