Naglalakad nang nakapaa

Socrates Magnus

Salaminin natin ang panaginip ni Chris ng Chris_Ferolino@face-book.com

Dear Professor,

Palagi akong nana­naginip na naglalakad daw ako nang walang tsi­­nelas, in short, nakapaa lang ako.

Ano ang ibig sabihin nito?

Salamat!

Naghihintay,

Chris

Sa iyo Chris,

Gawin mo, iho, ang na­panaginipan mo dahil ang iyong panaginip ay uri ng panaginip na nag-uutos.

May panaginip na nag­papayo na ang ibig sabi­hin, nagbibigay ng mga opsiyon na puwede mong ikonsidera at ito ay nagsa­sabing, minsan, ang ating panaginip ay umaakto bi­lang matalik nating kaibi­gan kaya ito ay nagpa­payo.

Minsan, ang panagi­nip ay nagbababala na sa ganitong sitwasyon ay ipi­nakikita sa atin ang pu­wede nating maranasan na hindi ikagaganda ng ating buhay.

Sa pagkakataong ito para sa iyo, Chris, ang pa­naginip mo ay nag-u­utos na dapat mong sun­din.

Kapag ginawa mo ito, nagawa mo ang lihim na susi kung paano ka susu­wertehin na nagsasabing, minsan, ang tao ay dapat na walang sapin sa paa.

Ito ay upang ang mys­tical powers of the earth ay pumasok sa iyong ka­tawan kung saan gagaling ka sa iyong mga karamda­man o bubuti ang kalaga­yan ng iyong katawan.

Ito rin ay nagsasa­bing, si Chris ay matatagpuan ng langit na nagpapaka­ba­ba, walang anumang ya­bang, hindi mapagma­laki at nabubuhay sa ka­babaang-loob.

May banal na panga­ko ang langit para sa ta­ong may maba­bang ka­loo­­ban at ito ay nagsasa­bing, siya mismo ay pag­pa­pa­lain, gayun­din, ang kan­yang mga ma­hal sa buhay at ang kan­yang ka­bu­ha­yan ay matu­tu­lad sa mga buhangin sa dagat na hin­di mabilang-bilang.

Muli, Chris, sundin mo ang iyong panaginip da­hil ang panaginip mo ay nag-uutos.

Hanggang sa muli,

Professor Seigusmundo del Mundo