Kaya dapat fight lang, besh! DALAGANG SA SANDALING MAKA-SURVIVE SA MGA PAGSUBOK AY TIYAK NA MAGTATAG

Maestro Honorio Ong

Dear Maestro,

Ako ay 28 taong gulang na at nandito ako sa Kuwait ngayon. Bakit kaya nagka­sunud-sunod ang mga prob­lema ko, dagdag pa na ma­lapit ng matapos ang kon­trata ko?

Kaya sa kasalukuyan ay naghahanap na ako ng bagong work. Gusto kong malaman kung bakit pa­lagi akong bigo sa career at pag-ibig?

Sana, matulu­ngan ninyo ako nang sa gayun ay gu­manda naman ang buhay ko. December 26, 1990 ang birthday ko.

Umaasa,

Ms. Capricorn ng Kuwait

Dear Ms. Capricorn,

Ganyan talaga ang kapa­laran ng mga “taong otso” tulad mo na isinilang sa pet­sang 26 kung saan ang 26 sa Numerology ay 2+6=8, ga­yundin, silang isinilang ng 8 at 17 kung saan sadya tala­gang maraming pagsubok ang kusang dumarating sa kani­lang buhay, pero tulad ng mga istorya sa telebisyon, pagka­tapos ng mga pagsubok, si­yempre ‘yung “bida” (ikaw ‘yun) sa bandang huli, bago matapos ang palabas ay bigla ring uunlad at magiging ma­ligaya. Kaya kung ikaw ang manonood habang nasa sa­sakyan ka galing sa sinehan, masasabi mo sa iyong boy­friend o girlfriend, “wow, may happy ending pala ang pina­nood nating movie”! Ganyan din ang magiging buhay at kapalaran ng mga taong otso na tulad mo, Ms. Capricorn, kahit maraming pagsubok ang iyong buhay, huwag na huwag kang ma­wawalan ng pag-asa dahil sa takdang pa­nahong inilaan ng tadhana, ma­kikita mo, ma­giging hap­py ending din ang lahat.

Pero, sa kabila ng positi­bong pag-aanalisang ito, may aangal at kokontra pa rin at sasabihing, “Maestro, bakit ganu’n, sa ending pa ba ako magiging maligaya, gayung malayo pa ‘yun at isa pa hi­rap na hirap na ang buhay ko sa kasalukuyan?” Tala­gang ganu’n dahil ang to­too, walang buhay na madali.

Kaya kung tutuusin, hin­di kaagad masaya sa mun­dong ito dahil naibabase lang ito sa ating mga karanasan. Kung sinuman ang maka-survive hanggang sa siya ay magtagumpay, sa bandang huli, siya ang tatanghaling wagi at maligaya.

Kaya wala kang dapat gawin ngayon kundi ang mag­tiis at maghintay na pagkatapos ng madilim na yugto ng iyong buhay na tad­­tad ng mga pagsubok, walang duda, sisikat din ang araw na may hatid na maun­lad at ma­ligayang umaga.

Samantala, upang mas madaling makaahon sa mga problema ang mga taong otso tulad mo, dapat mong iwasan ang mga taong may mga birth date na 9, 18 at 27, gayundin ang mga taong 1, 10, 19 at 28 dahil kadalasan, sila ang nagbibigay sa iyo ng problema. Pero, sa umpisa, ma­ganda ang hatid o dulot sa iyo ng nasabing mga tao, ngunit, sa bandang huli, pa­pa­ngit nang papangit ang pag­­sasama ninyong dalawa na puno ng lungkot at pag­luha.

Kung “mixed” o “magu­long kapalaran” ang dulot sa inyo ng mga “taong nine at one” magbubunga naman ng magandang pakinabang kung kayo ay makikipagkaibigan sa mga taong naiimpluwen­siyahan ng “numerong sing­ko” tulad nilang may mga birth date na 5, 14 at 23, ga­­yundin ng mga taong siyete tulad nilang isinilang sa mga petsang 7, 16 at 25. Sa kanila kayo makipagkaibigan dahil ang nabanggit na mga nila­lang ang magbibigay sa inyo ng hitik at magagandang ka­palaran higit lalo silang isinilang na may mga zodiac sign na Cancer, Taurus, Virgo at ka­pwa mo Capricorn.

Samantala, para mas madali kang makaahon sa mga problemang kinaha­ha­rap mo sa kasalukuyan, ang isa pang dapat mong gawin ay palagi kang gumamit ng mapalad mong kulay berde. Kapag hindi umubra ang ku­lay na ito, puwede mo ring maging secondary color ang dilaw.

Sundin at gawin mo muna ang lahat ng suhestiyon sa itaas, tamang paggamit ng kulay at tamang tao na dapat maging kaibigan, makikita mo, pagdating ng taong 2024, kusa nang mapapawi ang madilim na yugto ng iyong buhay, sisibat ang ma­aliwalas na sikat ng araw sa silangan at sa panahong ti­nuran, sa edad mong 34 pa­taas, magsisimula ka nang umasenso at umunlad at magkakaroon ka na rin ng ma­sayang love life hanggang sa tuluy-tuloy ka na ring yuma­man at magkaroon ng ma­saya at panghabambuhay na pamilya.