Mangingisda tinodas sa bangka

MAGUINDANAO—Isang mangingisda ang sinaksak at napatay ng kapwa niya mangingisda, kamakalawa sa kinalululanan nilang bangka sa karagatang sakop ng Bongo Island, Parang sa lalawigang ito.

Kinilala ang biktima na si Jeorey Pagnete, samantalang, ang suspek ay si Bonifacio Rabe, kapwa residente ng Zamboanga del Sur.

Nabatid na ang bangkay ni Pagnete ay natagpuan ng mga awtoridad sa bangka, samantalang, naaresto si Rabe habang lumalangoy sa dagat palayo sa pinangyarihan ng krimen.

Patuloy ang imbestigasyon ng pulisya para mabatid ang motibo ng suspek sa pamamaslang sa biktima.