LIYAMADO ANG INDONS AT 11 PA SA WSC 2

KASAMA ni Soan Sogianto ng Indonesia at 11 iba pa ang liyamado sa Day 2 Semifinals ng World Slasher Cup 2 Invitational 9-Cock Derby sa Smart Araneta Coliseum ngayong Huwebes, May 30.

Gumawa ng 2 - 0 (panalo-talo) marka ang Alqueen Akiro Bulilit ni Sogianto kasama sina Reynaldo Villanueva, Paul Dy, Antonio Aleria, Tony Marfori/ Efren Canlas, Boody Buenaventura, Lito Cay, F.Moises Villanueva, Ricky Magtuto, sabong idol Patrick Antonio (dalawang entries) at Marvin Rillo.

May isang panalo at palaban din sina WSC 1 champions Claude Bautista at Chris Copas ng Kentucky, USA (CPB at Cris/CPB and Joe), Belle Almojera ng Florida, USA (Blue Angels 2), HJ Sabri ng Indonesia (Alqueen Bulilit), Lawrence Wacnang at Phil Sneed ng Mississippi (Cedar Roost Crowsland). Tig-1.5 puntos sina Femie Medina/Rhona Bullecer/Marc Cruz, Escolin Brothers at Tony Antonio.

“It’s still a long way to go for all participants who must hurdle seven more fights up to the final rounds. Rey Briones needed only 7.5 points to win the title in last year’s WSC 2,” ani Pitgames Media Inc. CEO Manny Berbano. Ang 4-cock championship rounds ay sa Mayo 31 (2, 2.5, 3 at 3.5 points) at June 2 (4, 4.5 at 5 points).

Isponsor ang Thunderbird at Emperador habang ang media partners ay PitGames Media Inc., TV5’s “All New Tukaan”, ABS-CBN Action + Sports, “Sagupaan,” “Sabong Nation”, “Sabong Pilipinas”, “Bakbakan Na TV” at iba pa. (ATD/MC)