Bukod sa pagiging magaling sa academics... MGA PARAAN PARA MATULUNGAN ANG MGA BAGETS NA MAGING PHYSI

ANONG sports ng anak ninyo, mga mom­shie? May physical acti­vity ba silang pinagka­kaabalahan? Ayon sa research, isa lang sa tat­long bata ang physically active. Lumabas din na wala pa sa 50% ng kani­lang oras ang napupunta sa pagpa-practice ng sports. Nakalulungkot dahil sa panahon ngayon, kung hindi sa computer ay sa cellphone, tablet at iba pang gadget na lang na­katutok ang atensiyon ng mga bata.

Narito ang ilang paraan para mahikayat natin ang mga bata na maging active o matuto ng sports:

1. PLAN AHEAD. Nga­yon pa lang habang hindi pa tuluyang nagbubukas ang panibagong school year, ma­kabubuti kung magpa­plano na tayo ng sports na pu­we­deng subukan ng in­yong anak. Make sure lang na conve­nient ito sa kanya, lalo na at magsisimula pa lang siya.

2. MAKE TIME FOR EXERCISE. Habang wala o hindi pa tambak ang sche­dule ng inyong mga anak, makabubuti kung sasanayin na natin sila sa pag-e­eher­sisyo nang sa gayun ay ma­daling makapag-a-adjust ang kanilang katawan at isip kapag nag-umpisa na silang mag-practice ng napili nilang sports.

3. LET THEM PICK. Oks kung bibigyan natin sila ng option o anumang ideya tungkol sa sports, pero haya­an nating sila ang mamili. Kinakailangang gusto nila ang gagawin nila upang magawa nila ito nang tama at higit sa lahat ay tunay silang maka­pag-e-enjoy.

4. PROVIDE ACTIVE TOYS. Imbes na mobile games ang ituro o ipalaro na­tin sa mga bata, makabubuti kung bibigyan o bibilhan natin sila ng mga object toy tulad ng bola, jumping ropes, pambatang baseball bat at iba pa nang sa gayun ay mag­karoon sila ng ideya sa mga bagay na ito. Sa pagkakata­ong ito, maaari na nating i-in­­troduce sa kanila ang sports na may kaugnayan sa mga gamit nito.

5. TURN OFF THE TV. Ang TV o computer ay distraction sa mga bata, lalo na kapag cartoons na ang ipinalalabas. Kaya, makabu­buti kung lilimitahan o bibig­yan natin sila ng schedule sa panonood upang magkaroon sila ng panahon sa mga ga­waing pampalakas ng kata­wan.

6. BE A ROLE MO­DEL. Bilang nakatatanda, mabuti kung ipakikita rin na­tin sa mga bata ang ating pa­giging aktibong indibidwal. Puwede natin silang isama sa mga fun run, makipaglaro tayo sa kanila ng basketball, badminton o kahit ‘yung sim­pleng pagsayaw ay ma­laki ang epekto sa kagus­tuhan nilang sumubok ng physical activity, lalo na kapag nasa school na sila.

7. PRAISE EFFORTS, NOT RESULTS. Dapat ma­runong tayong i-appre­ciate ang mga ginagawa nila. Halimbawa, kapag sinubu­kan nila ang basketball o soccer, pero hindi pinalad makapasok sa team. Kaila­ngan natin silang i-cheer-up at ipaintindi sa kanila na ma­rahil, hindi lahat ng tao ay pare-pareho, may mga bata na mas gusto o nag-e-excel sa academic kaysa sa extra­curricular, pero huwag natin hayaang isarado nila ang ka­nilang isip dito.

Importante ang kasana­yan ng bata sa iba’t ibang sports dahil malaki ang epek­to nito sa kanilang paglaki. Marami silang maaaring ma­tutunan tulad ng diskarte, abi­lidad, kumpiyansa sa sa­rili, pakikipagkapwa-tao at marami pang iba. Gayun­man, tandaan natin na anu­man ang maging resulta ng kanilang pag-try, kahit kailan ay hindi ito magiging sukatan sa kanilang kakayahan.

Copy?