Kelot tinodas sa sabungan

PANGASINAN—Isang lalaki ang namatay nang barilin ng hindi kilalang armadong salarin, kamakalawa sa compound ng sabungan Bgy. Balokok, Lingayen sa lalawigang ito.

Kinilala ang biktima na si Zaldy Aladiga, nakatira sa bayan ng Aguilar sa nasabing lalawigan.

Nabatid na ipaparada ni Aladiga ang dala nitong motorsiklo nang lapitan ito ng suspek at agad pinagbabaril hanggang sa mapatay.

Iniimbestigahan na ng pulisya ang motibo ng suspek sa pamamaslang sa biktima.