BIBITAW ANG 2ND ROUND NG WORLD SLASHER CUP 2

PAPASOK sa ikalawang araw ang kompetisyon sa prestihiyosong World Slasher Cup 2 Invitational 9-Cock Derby sa Smart Araneta Coliseum ngayong Martes, May 28.

Aasintahin ng mga kalahok ang 2 - 0 (panalo-talo) ngayon o kahit isang puntos sa second round elims (2-cock) upang makapasok sa susunod na round.

“Magpapahirap sa mga kalahok ang bagong 9-cock format na sinimulan noong 2017,” ani Pitgames Media Inc. CEO Manny Berbano.

Bukod-tanging sina Claude Bautista ng Mindanao at Chris Copas ng Kentucky, USA (CPB Chris) ang may 9-0 (panalo-talo) sa WSC 1 noong Enero.

Ang ibang kampeon ay sina Greg at Frank Berin (8.5 points, January 2017); Anthony Lim, Dante Eslabon at Escolin Brothers (8 points, May 2017); sabong idol Patrick Antonio (8.5 points, January 2018) at Rey Briones/Rod Advincula (7.5 points, May 2018).

Suportado ang derby ng Thunderbird at Emperador. Nasa listahan ang mga sumisibol na sabong celebrities gaya nina 2019 WPC Big Event champion Rey Canedo ng Davao, Cris Sioson ng Bataan, Marc Cruz at Jojo Gatlabayan ng Rizal, James Uy ng Manila, Honey Yu ng Quezon, Rey Escalona at Jubee Navarro ng Pampanga, Roel Gatchalian ng Pasig, Celso Salazar ng Batangas, Willard Ty at Kenneth Liao ng Bicol at Jowar Bautista ng Bulacan.

Kasali sina WSC champs Nene Araneta, Peping Ricafort, Joey Sy, Noel Jarin, Dicky Lim, Biboy Enriquez, Ito Ynares, Anthony Lim, Vergil Intino, Lawrence Wacnang, Art de Castro, Magno Lim, Ed Apari, Joey delos Santos at Rikki Reyes. (MC/ATD)