Pusher tepok sa shootout

NUEVA ECIJA — Isang drug pusher ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. Mabini, Llanera sa lalawigang ito.

Ang suspek ay nakilalang si Cipriano Carlos, Jr.,nakatira sa naturang bayan.

Ayon sa ulat, darakpin sana sa drug-bust opera­tion si Carlos, pero nanlaban ang suspek at pinag­babaril ang pulisya.

Kaagad namang gumanti ng putok ang mga awtoridad na naging dahilan kaya napatay ang suspek.