Alamin mula kay Maestro... KATOTOHANAN TUNGKOL SA MGA BAGAY NA MAAARING GAWIN NG ASO NGAYONG TAON

Maestro Honorio Ong

SINASABING, sa pag-ibig at pakikipagrelasyon, ang aso ay sadyang ma­sa­rap mag­mahal kung saan sa katuna­yan tulad ng pag­mamahal niya sa kan­yang amo, sa san­da­ling minahal ka ng Aso, ta­laga namang sa lahat ng sit­wasyon at pagkakataon ay poprotektahan at aala­gaan ka niya.

Tunay ngang ang pagi­ging matapat at mapagmahal ng Aso ay isa sa mga kaha­nga-hanga niyang katangian dahil tulad ng nasabi na, anu­mang labanan at sitwasyon ang inyong masusuotan dahil pa­lagi siyang “loyal at faith­ful” sa kanyang minamahal o ka­ibigan, anuman ang mang­yari, ang kaibigan o minama­hal niyang ito ay hinding-hindi niya talaga i­iwa­nan.

Ang tipi­kal na Aso ay sadyang ma­bunganga, kaya kung gusto mo ng tahimik na buhay tu­lad ng buhay ng Baka na bi­hi­rang magsalita at ang gusto niya palagi ay walang ma­gulo o maingay, hindi ma­giging maligaya ang buhay ng Baka sa piling ng Aso.

Kung nakakita ka na ng nakikipag-away sa kalye kung saan walang tigil at patuloy na dakdak nang dakdak at walang makapipigil sa kan­yang kadadakdak, walang duda ang bungangerang ito ay isi­nilang noong 1970 kung saan maaari ring ang walang preno at matabil na dilang ito ay pag-aari ng tipikal na Aso.

Ang maganda sa Aso, hindi siya pangha­bam­buhay na nag­tatanim ng sama ng loob. Tunay ngang ‘yung ga­lit o tampo niya sa iyo ay madali niyang makalili­mu­tan.

Ibig sabihin, sa kabila ng katarayan, may natitira pa ring bait at pusong mapag­mahal sa kaibuturan ng pag­katao ng Aso. Ang Aso ay likas na ma­­awain at mapagmahal sa kanyang kapwa na nasa ma­babang ka­lagayan.

Bagama’t, pino­prob­le­ma rin niya ang ma­gandang susuotin halimba­wang, may birthday siyang dadaluhan, hindi rin miaalis sa isip niya ang awa at habag sa na­daanan niyang matan­dang bulag na namamalimos sa lansangan.

Kumbaga, ma­dali siyang sumisimpatya at naa­awa sa mga taong inapi at binigyan ng mabibigat na su­liranin ng tadhana, kaya ang isa pang magandang ugali ng Aso, siya ay likas na ma­awa­in at matulungin, lalo na sa mga taong alam niyang wa­lang tutulong o maaasahan.

Sa sex at pakikipaglan­dian, sinasabing, kung ang Kabayo ay madaling kiligin at palaging excited kapag nakikita na niya ang kanyang crush habang ang Baboy o Pig ay sobrang sensuwal, di­kit nang dikit at nag-iinit ka­agad, ang Aso ay makapag­hihintay, kumbaga sa naiihi, kaya pa niyang pigilin ang kan­yang sarili.

Bagama’t, pa­­laging na­na­nabik at may pag­kama­laswa — ginagawa la­mang niya ito kapag nasa pri­ba­dong lugar.

(Itutuloy)