'Di lang kay Angel nakatikim… JIMMY, NIRESBAKAN NG MGA ARTISTA, DIREKTOR AT EMPLEYADO NG DOS, DU

Anj Cabilla / PAK ANG GANAP!

MUKHANG pinagtulungan na ng mga ABS-CBN artists ang singer na si Jimmy Bondoc matapos nitong ibulgar ang diumano’y mga katiwalian at hindi magagandang nangya­yari sa loob ng TV network, kung saan talamak daw na nagaga­nap ang sexual harassment at bullying.

Bukod pa rito, tahasang sinabi ng singer na excited na siyang makitang magsara ang network.

Nauna nang nagsalita ang aktres na si Angel Locsin, kung saan ipinag­tanggol niya ang kanyang network.

Nu’ng Huwebes nang gabi, muling nagsalita si Angel at sinabi na ‘yun na ang huling beses siyang magsasalita patungkol sa sinabi ng singer.

Ani Angel, “Mr. Bondoc, sorry hindi ako nagfa­facebook (read: nagpe-Facebook) masyado so kung may makabasa nito, paki-send na lang sa kanya.

“As you said when a network closes it CAN mean a change of management or ownership’ key word is can. I’m speaking for the thousands of employees that will have no job security if this happens.

“The assumption I gave is coming from your statement that you are excited for the network to CLOSE.

“I am not a lawyer nor am I a politician. I have no knowledge of how it was acquired.

“I am just a human being hoping for a peaceful resolution to this problem so that thousands of jobs can be saved.”

“Regarding the sexual favors, politics and rigged contests that you claimed happened.

“If ever any of these has happened to you or anyone you know pls. report it to the proper authorities. Don’t just rant on Facebook.

“Your rant discredits the artists that truly worked hard to get where they are.

“Magtulungan tayo at ‘wag magsiraan. Let’s not wish ill of others rather let’s look for the proper solutions. And yes I was sincere when I said I will pray for you have a good day!”

Hindi lang ang bida sa The General’s Daughter ang nag­tanggol sa ABS-CBN, bagkus pati ang ilang artista, reporters, directors at pati na ang mga empleyado ng TV network.

Nag-trending ang usaping ito noong Huwebes nang gabi kung saan gumamit pa nga ang mga netizens ng logo ng ABS-CBN na may nakalagay na “65 years in the service of the Filipino” para ipagtanggol ang network.

Isa pa sa mga nagtanggol sa network ang aktres na si Sunshine Cruz.

Aniya, “Year 2013. Nu’ng pana­hong lugmok ako, walang pera, wa­lang matirahan, ABS-CBN ang nag­bigay ng tsansa na makabalik ang isang katulad kong bagsak na bagsak ang moral.”

Dagdag niya, “Hindi ako kailan­man magagalak na mawalan ng trabaho o pangkabuhayan ang naka­ra­raming tao na nagtatrabaho nang maayos para matulungan ang kani­lang pamilya dahil kailanman ay hindi ito tama.”