Alamin mula kay Señor... KAALAMAN TUNGKOL SA BANGUNGOT

Sr. Socrates Magnus II

Bigyang-daan natin ngayon ang pagpapatuloy sa kasagutan sa email ni Fiona ng Fiona_LibraGurl @facebook.com

Sa iyo Fiona,

Bukod sa pagsusuot ng red at pagsasagawa ng “pag­pag” para hindi sundan or multuhin ng kaluluwa ng nama­tay, ang isa pang kabilin-bilinan ay ang huwag kakain ang mga pagkaing mahirap matunaw.

Ito ang numero-unong dahilan ng tinatawag na bangu­ngungot kung saan bago matulog ay kumakain ang tao ng mga pagkaing mahirap matunaw.

Sa bangungot, umuungol ang binabangungot, hindi ma­kahinga na parang may dumadagan sa kanya, gayundin, hindi niya maigalaw ang kanyang mga kamay at paa.

Kaya kapag nagising ang taong binangungot, ang ku­wento niya ay may dumagan sa kanya at may gustong ku­muha sa kanya. Minsan, ang ganitong sitwasyon ay may kasama pang may sumusundo sa kanya na kaluluwa ng na­matay.

Ang totoo, hanggang ngayon ay hindi lubusang maipali­wanag ng agham ng siyensiya o medisina ang tinatawag na bangungot at ang isa pang totoo, ang sakit na acute pancreatis ay siya mismong sinasabing bangungot.

Ang pancreas ay bahagi ng digestive system, ito ay nasa loob ng tiyan kaya sinasabing sa panahon ng bangungot, ang bahaging ito ng katawan ay naglalabas ng nakalalasong kemikal kaya ang tao ay binabangungot o nahihirapan ha­bang natutulog.

Kaya para maiwasan ang bangunggot, lalo ng mga nakiramay sa patay, ang payo ay huwag kumain ng pagkaing mahirap matunaw. Kung minsan, hindi alam ng tao kung anu-ano ang mga pagkaing mahirap matunaw kaya for safety, ang payo ay umi­nom ng maraming tubig nang sa gayun anuman ang kainin ay madali itong matutunaw.

Ang isa pang bawal ay ang huwag magsuot ng masisikip na damit habang natutulog dahil puwedeng makaranas ang natutulog ng hindi maganda.

Bawal din ang matulog nang nakahubo’t hubad, lalo na sa kababaihan dahil maaari silang pagsamantalahan ng mga masasamang espiritu.

Good luck and God bless!