Mister ni Anne, sabit sa project ni Cesar… ERWAN, 'DI PA RIN DAW ISINOSOLI ANG P1M TF SA BUHAY
SPEAKING of Cesar Montano, until now ay may mga naririnig kaming bagong tsika sa pumalpak na Buhay Carinderia project niya sa Department of Tourism (DOT) kung saan sangkot din ang mister ni Anne Curtis na si Erwan Heussaff.
Isang mapagkakatiwalaang source ang nagkuwento sa amin na ‘di pa raw isinosoli ng mga taong involved sa maanomalyang proyekto sa DOT ang perang sinasabing isosoli ni Erwan bilang kabayaran sa kanya sa naturang proyekto.
Although, may mga tsika naman na isinoli na raw ng mister ni Anne ang bayad sa kanya na diumano ay worth P1 M. Ibinigay na raw ni Erwan ang pera sa taong kumuha rin sa kanya for that project.
If true, saan kaya napunta ang P1 million?
Pero may tsika rin na hanggang ngayon daw ay connected pa rin si Erwan sa DOT. Kinuha raw siya ng DOT na parang “celebrity endorser” to promote our country. Kaya ‘yung mga ginagawa ni Erwan sa kanyang travel show sa social media ay pinopondohan daw ng DOT.
Mukhang “approved” naman daw kasi kay DOT Head Bernadette Romulo-Puyat si Erwan bilang “celebrity endorser” ng kanyang kagawaran.
Why not? Mukhang effective namang “endorser” ng DOT si Erwan, ‘di ba, Anne Curtis?
Comments